കോഴിക്കോട് ഏഴാം ക്ലാസ് വിദ്യാർഥിയെ കാണാനില്ലെന്ന് പരാതി

കോഴിക്കോട്: മലാപ്പറമ്പിൽ ഇതര സംസ്ഥാന വിദ്യാർഥിയെ കാണാതായി.

മലാപ്പറമ്പ് വേദവ്യാസ വിദ്യാലയത്തിലെ സൻസ്കാർ കുമാറെന്ന ബിഹാർ സ്വദേശിയെ ആണ് കാണാതായത്. സ്കൂളിലെ ഏഴാം ക്ലാസ് വിദ്യാർഥിയാണ്.

തിങ്കളാഴ്ച രാവിലെ മുതലാണ് 13കാരനായ വിദ്യാർഥിയെ കാണാതായിരിക്കുന്നത് എന്നാണ് സ്കൂൾ അധികൃതർ നൽകിയിരിക്കുന്ന പരാതി. ഹോസ്റ്റലിൽനിന്നാണ് കുട്ടിയെ കാണാതായത് എന്നാണ് പരാതിയിൽ പറയുന്നത്.

അന്വേഷണം തുടരുകയാണെന്ന് പൊലീസ് അറിയിച്ചു. റെയിൽവേ സ്റ്റേഷൻ കേന്ദ്രീകരിച്ചാണ് അന്വേഷണം.