ഇലങ്കം ശ്രീ ഭുവനേശ്വരി ദേവി ക്ഷേത്രത്തില്‍ പകല്‍ പൂരം.

പാറശാല: ഇലങ്കം ശ്രീ ഭുവനേശ്വരി ദേവി ക്ഷേത്രത്തില്‍ പകല്‍ പൂരം.

പാറശാല മുര്യങ്കര ഇലങ്കം ശ്രീ ഭുവനേശ്വരി ക്ഷേത്രത്തിലെ കുംഭഭരണി മഹോത്സവത്തിന്റെ ഭാഗമായി പകല്‍ പൂരവും ഊരുചുറ്റി എഴുന്നള്ളത്ത് ഘോഷയാത്രയും നടന്നു. പകല്‍ പൂരത്തിന്റയും ഊരുചുറ്റി എഴുന്നള്ളത്ത് ഘോഷയാത്രയുടെയും ഭദ്രദീപം തെളിയിക്കല്‍ കര്‍മ്മം മംഗലപുരം എസ് എച്ച് ഒ ഹേമന്ത്കുമാര്‍ നിര്‍വ്വഹിച്ചു.

മാര്‍ച്ച് 03ന് കൊടിയേറി ആരംഭിച്ച മഹോത്സവം 13 ന് കളമഴിപ്പുംപാട്ടോടുകൂടി അവസാനിക്കും. മറു കൊട മാര്‍ച്ച് 19 ന് വിവിധ പരിപാടികളോടെയും പൂജാ ചടങ്ങുകളോടെയും നടക്കും.

എട്ടാം ഉത്സവദിവസമായ ഇന്നലെ നിരവധി നെറ്റിപ്പട്ടംകെട്ടിയ ഗജവീരന്മാരും ഫ്‌ളോട്ടുകളും,കലാവിരുന്നുകളും അണിനിരന്ന പകല്‍പ്പൂവും ഊരുചുറ്റി എഴുന്നള്ളത്ത് ഘോഷയാത്രയും ദര്‍ശിക്കാനായി നിരവധി ആളുകളാണ് എത്തിച്ചേര്‍ന്നത് .