സ്വര്ണ്ണക്കടത്ത് കേസ്,; മുഖ്യ പ്രതിയായ രണ്യ റാവുവിന്റെ കൂട്ടാളി അറസ്റ്റിൽ
0DAILY CENTRAL DESK 📩: dailymalayalyinfo@gmail.comചൊവ്വാഴ്ച, മാർച്ച് 11, 2025
ബെംഗളൂരു: സ്വര്ണ്ണക്കടത്ത് കേസിൽ പ്രതിയായ രണ്യ റാവുവിന്റെ കൂട്ടാളി അറസ്റ്റിൽ.
ബെംഗളൂരു സ്വദേശി തരുൺ രാജാണ് അറസ്റ്റിലായത്. രണ്യ ഒപ്പം തരുൺ രാജ് വിദേശ യാത്രകൾ നടത്തിയതായി കണ്ടെത്തിയതിനെ തുടർന്നാണ് പൊലീസ് ഇയാളെ അറസ്റ്റ് ചെയ്തത്. ഡൽഹിയിൽ നിന്നാണ് ഇയാളെ ഡയറക്ടറേറ്റ് ഓഫ് റവന്യൂ ഇന്റലിജന്സ് (ഡി ആർ ഐ) കസ്റ്റഡിയിലെടുത്തത്.
രണ്യ റാവു സ്വര്ണക്കടത്ത് സംഘത്തിലെ കണ്ണി മാത്രമെന്ന് റവന്യു ഇന്റലിജന്സിൻ്റെ അന്വേഷണത്തില് കണ്ടെത്തിയിരുന്നു. സ്വര്ണക്കടത്തിനായി 30 തവണ രണ്യ ദുബായ് യാത്ര നടത്തിയതായും അന്വേഷണത്തില് കണ്ടെത്തിയിരുന്നു. ഓരോ യാത്രയ്ക്കും അഞ്ച് ലക്ഷം രൂപ മുതല് സ്വര്ണത്തിന്റെ അളവനുസരിച്ച് കമ്മീഷന് പറ്റിയായിരുന്നു രണ്യ പ്രവര്ത്തിച്ചിരുന്നത്. രണ്ടാനച്ഛനും കര്ണാടക ഡിജിപിയുമായ രാമചന്ദ്ര റാവു ഐപിഎസിൻ്റെ പേര് പറഞ്ഞ് ഗ്രീന് ചാനല് വഴി ആയിരുന്നു ഇതുവരെ സുരക്ഷാ പരിശോധന ഇല്ലാതെ നടി വിമാനത്താവളത്തില് നിന്ന് പുറത്തുകടന്നിരുന്നത്.
ബസവരാജ് എന്ന പൊലീസ് കോണ്സ്റ്റബിള് നടിയുടെ പെട്ടികള് വിമാനത്താവളത്തില് കൈകാര്യം ചെയ്യാന് എത്തിയിരുന്നതായും ഡിആര്ഐ വൃത്തങ്ങള് അറിയിച്ചു. ഡിജിപി രാമചന്ദ്ര റാവുവിന് സ്വര്ണക്കടത്തില് പങ്കുണ്ടോയെന്ന കാര്യം അന്വേഷണ സംഘം പരിശോധിച്ച് വരികയാണ്.
രാമചന്ദ്ര റാവുവിൻ്റെ ട്രാക് റെക്കോര്ഡ് ഡിആര്ഐ പരിശോധിക്കും. 14.8 കിലോഗ്രാം സ്വര്ണവുമായി രണ്യ കഴിഞ്ഞ തിങ്കളാഴ്ച ആയിരുന്നു ബെംഗളൂരു വിമാനത്താവളത്തില് പിടിയിലായത്. രണ്യയുടെ ബെംഗളൂരു ലാവല്ലേ റോഡിലെ വീട്ടില് നടത്തിയ പരിശോധനയില് ഡിആര്ഐ സംഘം അഞ്ച് കോടി രൂപയുടെ സ്വര്ണവും പണവും കണ്ടെടുത്തിരുന്നു.
.jpeg)
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.