ഫുട്ബോൾ ടൂർണ്ണമെൻ്റിൽ നിന്ന് ലഭിച്ച വരുമാനത്തിൽ നിന്നുള്ള വിഹിതം രണ്ട് സ്കൂളുകൾക്കും,ദുരിതാശ്വാസ നിധിയിലേക്കും സംഭാവന നൽകി സംഘാടകർ

ചാലിശേരി: ചാലിശേരി ജി.സി.സി ആർട്സ് ആൻ്റ് സ്പോർട്സ് ക്ലബ്ബും മഹാത്മ ചാരിറ്റബിൾ സൊസൈറ്റിയും സംയുക്തമായി നടത്തിയ ഫുട്ബോൾ ടൂർണ്ണമെൻ്റിൽ നിന്ന് ലഭിച്ച വരുമാനത്തിൽ നിന്നുള്ള വിഹിതം രണ്ട് സ്കൂളുകൾക്കും, ഗ്രാമ പഞ്ചായത്ത് പ്രസിഡൻ്റിൻ്റെ ദുരിതാശ്വാസ നിധിയിലേക്കും നൽകി ഫുട്ബോൾ സംഘാടകർ നാടിന് മാതൃകയായി.

ചാലിശേരി ഗ്രാമ പഞ്ചായത്ത് പ്രസിഡൻ്റിൻ്റെ ദുരിതാശ്വാസ നിധിയിലേക്ക് സംഘാടകർ തുക കൈമാറുന്നു

പ്രാദേശികമായി കായികരംഗത്ത് ആവേശം നിറച്ച് നടന്ന ജി.സി.സി ക്ലബ്ബും മഹാത്മ ചാരിറ്റബിൾ സൊസൈറ്റിയും ചേർന്നാണ് മൈതാനത്ത് അഖില കേരള സെവൻസ് ഫ്ളഡ് ലൈറ്റ് ഫുട്ബോൾ ടൂർണ്ണമെൻ്റ് മൽസരം സംഘടിപ്പിച്ചത് രണ്ടാഴ്ചകാലത്തോളം നീണ്ടു നിന്ന ഫുട്ബോൾ മാമാങ്കം നാടിന് ഉത്സവപ്രതീതിയായിരുന്നു.

ചാലിശേരി ഗവ:ഹയർസെക്കണ്ടറി സ്കൂളിലേക്ക് സംഘാടകർ തുക കൈമാറുന്നു

മൽസരത്തിൽ നിന്ന് ലഭിച്ച വരുമാനത്തിൽ നിന്ന് ഗവ:ഹയർ സെക്കണ്ടറി സ്കൂളിനും , ജി.എൽ പി സ്കൂളിനും പഞ്ചായത്തിനും ലഭിച്ച തുക ഒരുപോലെ നേട്ടമായിമാറി. പഞ്ചായത്തിന്റെ പിന്തുണയും സ്‌കൂളുകളുടെ സജീവ സഹകരണവും കൂടിയായപ്പോൾ ടൂർണമെന്റ് കൂടുതൽ തിളങ്ങിയിരുന്നു. 

നാട്ടിലുള്ള കായിക സംസ്‌കാരത്തെ ഉയർത്തിപ്പിടിക്കാനും പുതിയ തലമുറയെ കളിസ്ഥലത്തേക്ക് ആകർഷിക്കാനുമുള്ള ശ്രമം വിജയകരമായി നടപ്പാക്കി.

ചാലിശ്ശേരി ഗവ:ഹയർ സെക്കറി സ്കൂളിന് 30000 രൂപയും , ജി. എൽ. പി സ്കൂളിന് 20000 രൂപയും , പഞ്ചായത്തിലെ ദുരിതാശ്വാസ നിധിയിലേക്ക് 10000 രൂപ എന്നിങ്ങനെയാണ് സംഘാടകർ നൽകിയത്.

ടൂർണമെന്റ് കമ്മിറ്റി ചെയർമാൻ ഫൈസൽ മാഷ്, കൺവീനർ ഷാജഹാൻ നാലകത്ത്, ട്രഷറർ ജിജു ജേക്കബ് , മഹാത്മ രക്ഷാധികാരി ബാബു നാസർ , നൗഷാദ് മുക്കൂട്ട , കോർഡിനേറ്റർമാരായ എ.എം. ഇക്ബാൽ , , സി.വി. മണിക്ണoൻ , പി.എസ് വിനു , സി.എം സജീവൻ , ബോബൻ സി പോൾ എന്നിവരുടെ നേതൃത്വത്തിലുള്ള കമ്മിറ്റി ഭാരവാഹികൾ തുക കൈമാറി.

ചടങ്ങിൽ ജി എച്ച് എസ് എസ് സ്കൂൾ പ്രധാനദ്ധ്യാപിക കെ. സുവർണ്ണകുമാരി , പി ടി എ പ്രസിഡൻ്റ് പി.വി. രജീഷ്കുമാർ , ജി എൽ പി പിടിഎ പ്രസിഡൻ്റ് വി.എൻ ബിനു , വികസന സമിതി ചെയർമാൻ എം എം അഹമ്മദുണ്ണി , ജി എൽ പിസ്കൂൾ പ്രധാനദ്ധ്യാപകൻ ഇ. ബാലകൃഷ്ണൻ , പഞ്ചായത്ത് പ്രസിഡൻ്റ് വിജേഷ് കുട്ടൻ , പഞ്ചായത്തംഗങ്ങളായ ഹുസൈൻ പുളിയഞ്ഞാലിൽ വി.എസ് ശിവാസ് , കോർഡിനേറ്റർ പ്രദീപ് ചെറുവാശേരി എന്നിവർ ചേർന്ന് തുക ഏറ്റുവാങ്ങി.