ആലപ്പുഴ ബീച്ചിനോട് ചേർന്ന് നിർമാണത്തിലിരിക്കുന്ന ദേശീയപാത ഗർഡർ തൊഴിലാളികൾ താമസിക്കുന്ന ഷെഡിനു മുകളിലേക്ക് തകർന്നു വീണു;

ആലപ്പുഴ: ബീച്ചിനോട് ചേർന്നുള്ള വിജയാ പാർക്കിനു സമീപം നിർമാണത്തിലിരിക്കുന്ന ദേശീയപാത ഗർഡർ തകർന്നു വീണു.

എലിവേറ്റഡ് ഹൈവേയുടെ ഭാഗമായ മേൽപാലത്തിന്റെ കൂറ്റൻ ഗർഡറാണ് ഇന്നു രാവിലെ 11മണിയോടെ തകർന്നു വീണത്.

തൊഴിലാളികൾ താമസിക്കുന്ന ഷെഡിനു മുകളിലേക്കാണ് വലിയ ശബ്ദത്തോടെ ഗർഡർ തകർന്നു വീണതെന്ന് ദൃക്‌സാക്ഷികൾ പറഞ്ഞു.

ഷെഡിൽ തൊഴിലാളികൾ ഇല്ലാതിരുന്ന സമയമായതിനാലാണ് വൻ ദുരന്തം ഒഴിവായത്.

പില്ലർ നമ്പർ 17നും 18നും ഇടയിലെ നാലു ഗർഡറുകൾ പൂർണമായും താഴേക്ക് നിലം പതിക്കുകയായിരുന്നു. ഈ പില്ലറിനു താഴെ കുട്ടികൾ സ്ഥിരമായി കളിക്കാറുണ്ട്.