ഹരിത കർമ്മ സേനയ്ക്ക് ഇലക്ട്രിക് വാഹനങ്ങൾ വിതരണം ഇന്ന്

മലപ്പുറം: ജില്ലാ പഞ്ചായത്തിന്റെ വാർഷിക പദ്ധതിയിലുൾപ്പെട്ട എം.സി.എഫിലേക്ക് (Material Collection Facility) വാഹനം വാങ്ങൽ പദ്ധതിയുടെ ഭാഗമായി ഇലക്ട്രിക് വാഹനങ്ങൾ ഹരിത കർമ്മ സേനക്ക് നൽകുന്നു. 

വിതരണ ചടങ്ങ് 2025 മാർച്ച് 18 (ഇന്ന്) ഉച്ചയ്ക്ക് 2.30ന് മലപ്പുറം ജില്ലാ പഞ്ചായത്ത് ഓഫീസിൽ വെച്ച് നടക്കും. ഇലക്ട്രിക് വാഹനങ്ങൾ കൈമാറുന്ന നഗരസഭകൾ

എ.ആർ നഗർ, പറപ്പൂർ, കൂട്ടിലങ്ങാടി, കാലടി, താനാളൂർ. കോഡൂർ, തെന്നല, തൃപ്പങ്ങോട്, ഒതുക്കുങ്ങൽ, വളാഞ്ചേരി നഗരസഭ, തിരൂർ നഗരസഭ മുതലായവയാണ്‌.ഈ പദ്ധതി മാലിന്യ സംസ്കരണം മെച്ചപ്പെടുത്തുന്നതിനും പരിസ്ഥിതി സംരക്ഷണത്തിനും പുതിയ വഴികൾ തുറക്കുമെന്ന് ജില്ലാ പഞ്ചായത്ത് അധികൃതർ അറിയിച്ചു.

ഹരിത കർമ്മ സേനയുടെ പ്രവർത്തനക്ഷമത വർധിപ്പിക്കാനും പരിസ്ഥിതി സൗഹൃദ സമീപനം പ്രോത്സാഹിപ്പിക്കാനുമുള്ള ഒരു മഹത്തായ മുന്നേറ്റമായി പദ്ധതി വിലയിരുത്തുന്നു.