മസ്കറ്റിൽ ഉംറ തീർഥാടനത്തിന് പോകവേ മലയാളി കുടുംബം അപകടത്തിൽപെട്ടു; കുട്ടികൾ ഉൾപ്പെടെ 3 മരണം

മസ്‌കറ്റ്: ഒമാനില്‍നിന്ന് സൗദിയിലേക്ക് ഉംറ തീര്‍ഥാടനത്തിന് പുറപ്പെട്ട മലയാളി കുടുംബം അപകടത്തില്‍പെട്ട് കുട്ടികള്‍ അടക്കം മൂന്നുപേര്‍ മരിച്ചു.

രിസാല സ്റ്റഡി സര്‍ക്കിള്‍ (ആര്‍എസ്‌സി) ഒമാന്‍ നാഷണല്‍ സെക്രട്ടറി ശിഹാബ് കാപ്പാടിന്റെ ഭാര്യ ഷഹല(30), മകള്‍ ആലിയ (ഏഴ്), മിസ്ഹബ് കൂത്തുപറമ്പിന്റെ മകന്‍ ദക്വാന്‍ (ആറ്) എന്നിവരാണ് മരിച്ചത്.

ഞായറാഴ്ച രാവിലെ സൗദിയിലെ ബത്തയില്‍വെച്ചാണ് അപകടം. പരിക്കേറ്റ, മിസ്ഹബിന്റെ ഭാര്യയും മക്കളും സൗദിയിലെ കുഫൂഫ് കിങ് ഫഹദ് ആശുപത്രിയില്‍ ചികിത്സയിലാണ്.