തിരുവനന്തപുരത്ത് വീട്ടുമുറ്റത്ത് നിര്‍ത്തിയിട്ടിരുന്ന കാര്‍ കത്തി ഒരാള്‍ വെന്ത് മരിച്ചു; ആത്മഹത്യയെന്ന് നിഗമനം,

തിരുവനന്തപുരം: പാലോട് - കരുമണ്‍കോട് വീട്ടുമുറ്റത്ത് നിർത്തിയിട്ടിരുന്ന കാർ കത്തി ഒരാള്‍ മരിച്ചു. വീട്ടിലെ കോമ്പൗണ്ടില്‍ കിടന്ന മാരുതി കാർ ആണ് കത്തിയത്.

അജു എന്ന് വിളിക്കുന്ന പുരുഷോത്തമൻ (64) ആണ് മരിച്ചത്.  രാത്രിയാണ് സംഭവം. വീട്ടില്‍ ഈ സമയത്ത് ആരും ഇല്ലായിരുന്നു. കാർ കത്തുന്നത് കണ്ട നാട്ടുകാരാണ് വിവരം പൊലീസിനെ അറിയിച്ചത്.
കാറിലിരുന്ന് തന്നെ പുരുഷോത്തമൻ മരിച്ചിരുന്നു. ആത്മഹത്യയെന്നാണ് പൊലീസിൻ്റെ പ്രാഥമിക നിഗമനം.

നേരത്തെ പുരുഷോത്തമൻ ഗള്‍ഫില്‍ ആയിരുന്നു. പാലോട് കുറച്ച്‌ നാള്‍ ജീപ് ഓടിച്ചിരുന്നു. രണ്ട് ദിവസം മുമ്പ് ഭാര്യയുമായി വഴക്കിട്ടിരുന്നു. ഭാര്യ ഇളയമകന്റെ വീട്ടില്‍ പോയ സമയത്താണ് ആത്മഹത്യ ചെയ്തത്. 

ഇൻക്വസ്റ്റ് നടപടികള്‍ നടത്തും. ശേഷം മൃതദേഹം പോസ്റ്റ് മോർട്ടത്തിന് ശേഷം കുടുംബത്തിന് വിട്ടു നല്‍കും.