ബന്ധുവിന്റെ വിവാഹ ചടങ്ങില്‍ ഡാൻസ് കളിക്കുന്നതിനിടെ ഹൃദയാഘാതം: കുഴഞ്ഞ് വീണ യുവതിക്ക് ദാരുണാന്ത്യം,

മധ്യപ്രദേശ്: ബന്ധുവിന്റെ വിവാഹ ചടങ്ങില്‍ ഡാൻസ് കളിക്കുന്നതിനിടെ യുവതി കുഴഞ്ഞു വീണ് മരിച്ചു. മദ്ധ്യപ്രദേശിലെ വിധിഷ ജില്ലയിലാണ് സംഭവം നടന്നത്.

ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. പരിനീത എന്ന യുവതിയാണ് മരിച്ചത്.

അടുത്ത ബന്ധുവിന്റെ വിവാഹ ആഘോഷ ചടങ്ങില്‍ പങ്കെടുക്കാനായി ഇൻഡോറില്‍ നിന്ന് പരിനീത എത്തുകയായിരുന്നു. വിവാഹത്തിന്റെ തലേ ദിവസമുള്ള ആഘോഷങ്ങള്‍ക്കിടെ നടന്ന പരിപാടിയില്‍ ഡാൻസ് കളിക്കാനായി വേദിയില്‍ കയറുകയായിരുന്നു.

ഡാൻസ് കളിക്കുന്നതിനിടെ പെട്ടെന്ന് ബുദ്ധിമുട്ട് ഉണ്ടാകുകയും സെക്കന്റുകള്‍ക്കുള്ളില്‍ വീഴുകയും ചെയ്തു. ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. അതേ സമയം ഈ നൃത്തം നിരവധിപ്പേ‍ർ ചിത്രീകരിക്കുന്നുണ്ടായിരുന്നു.

ഡാൻസ് കളിക്കുന്നതിനിടെ ഹൃദയാഘാതം ഉണ്ടായതാകാം എന്നാണ് നിഗമനം. സംഭവ സമയത്ത് തന്നെ ആളുകള്‍ ഓടിയെത്തി അടുത്തുള്ള ആശുപത്രിയിലേക്ക് എത്തിച്ചെങ്കിലും മരണം സംഭവിക്കുകയായിരുന്നു