അത്യാവശ്യമായി വിളിക്കാൻ ഫോൺ വാങ്ങി: പിന്നെ നടന്നത് ട്വിസ്റ്റ്, കയ്യോടെ പൊക്കി പൊലീസ്,

എറണാകുളം: അത്യാവശ്യമായി ഒരാളെ വിളിക്കാനെന്ന് പറഞ്ഞ് വാങ്ങിയ ശേഷം മൊബൈല്‍ ഫോണുമായി കടന്ന് കളഞ്ഞ യുവാവ് പിടിയില്‍.

വാളകം കുന്നാക്കല്‍ കണ്ണൂണത്ത് വീട്ടില്‍ ബൈജോ ബാബു (26) വിനെയാണ് മൂവാറ്റുപുഴ പോലീസ് അറസ്റ്റ് ചെയ്തത്.

മൂവാറ്റുപുഴയില്‍ പ്രവർത്തിക്കുന്ന മരിയ ചാരിറ്റബിള്‍ സൊസൈറ്റിയുടെ ഓഫീസില്‍ ഇന്നലെ പകല്‍ 11. 30 ന് ആണ് സംഭവം. വിളിക്കാനെന്ന് പറഞ്ഞ് ഫോണ്‍ വാങ്ങിയ ശേഷം കബളിപ്പിച്ച്‌ കടന്നു കളയുകയായിരുന്നു.

തുടർന്ന് നടന്ന അന്വേഷണത്തില്‍ കെ.എസ്.ആർ.ടി.സി സ്റ്റാൻ്റ് പരിസരത്ത് നിന്ന് പ്രതിയെ പിടികൂടി. ഫോണും കണ്ടെടുത്തു. ഇൻസ്പെക്ടർ ബേസില്‍ തോമസിൻ്റെ നേതൃത്വത്തില്‍ എസ്.ഐ കെ.കെ രാജേഷ്, എ.എസ്.ഐ വി.എം ജമാല്‍, സി പി ഒ മാരായ രഞ്ജിഷ്, ഫൈസല്‍ എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.