രാമപുരം ഉപതിരഞ്ഞെടുപ്പ്: കോൺഗ്രസ് സ്ഥാനാർഥി ടി ആർ രജിത വിജയിച്ചു

പാലാ: രാമപുരം ഗ്രാമപഞ്ചായത്ത് ജി.വി.വാർഡിലേക്ക് (ഏഴാം വാർഡ്) നടന്ന ഉപതിരഞ്ഞെടുപ്പിൽ കോൺഗ്രസ് സ്ഥാനാർഥി ടി.ആർ. രജിത വിജയിച്ചു.

235 വോട്ടിൻ്റെ ഭൂരിപക്ഷത്തിലാണ് വിജയം. ബി.ജെ.പി. സ്ഥാനാർഥി കെ.ആർ. അശ്വതിയാണ് രണ്ടാം സ്ഥാനത്ത്.

ഏഴാച്ചേരി ഗോവിന്ദവിലാസം യു.പി. സ്‌കൂളിലാണ് വോട്ടെടുപ്പ് നടന്നത്. ടി.ആർ. രജിത (കോൺഗ്രസ്) -581, കെ.ആർ. അശ്വതി (ബി.ജെ.പി.) - 346, മോളി ജോഷി (സ്വതന്ത്ര )- 335 എന്നിങ്ങനെയാണ് വോട്ടുനില. ആകെ 1262 വോട്ടുകളാണ് പോൾ ചെയ്തത്.

വാർഡ് അംഗവും പഞ്ചായത്ത് പ്രസിഡന്റുമായിരുന്ന ഷൈനി സന്തോഷിനെ തെരഞ്ഞെടുപ്പ് കമ്മീഷൻ അയോഗ്യ ആക്കിയതിനെ തുടർന്നാണ് വാർഡിൽ ഉപതെരഞ്ഞെടുപ്പ് വേണ്ടിവന്നത്.

18 അംഗ പഞ്ചായത്തിൽ എൽഡിഎഫ് 7, യുഡിഎഫ് 8, ബിജെപി 3 എന്നിങ്ങനെയാണ് നിലവിലെ കക്ഷിനില.