കൊച്ചി: സ്കൂട്ടര് തട്ടിപ്പ് കേസില് താനും കബളിപ്പിക്കപ്പെട്ടതാണെന്ന് സായ് ഗ്ലോബല് ട്രസ്റ്റ് ചെയര്മാന് കെ.എന്. ആനന്ദകുമാര്. തട്ടിപ്പിന്റെ മുഴുവന് ഉത്തരവാദിയും അനന്തുകൃഷ്ണന് തന്നെയാണെന്നും അദ്ദേഹം പറഞ്ഞു. അനന്തുകൃഷ്ണന്റെ നാല് കമ്പനികളാണ് ഇതില് ഭാഗമായിട്ടുള്ളതെന്നും പണം മുഴുവന് സ്വീകരിച്ചതും റസീറ്റ് കൊടുക്കുന്നതും കരാറുണ്ടാക്കിയതും അയാളാണെന്നും അനന്തുകൃഷ്ണന്റെ ഇടപാടുകളില് തട്ടിപ്പുണ്ടെന്ന് തിരിച്ചറിഞ്ഞാണ് രാജിവെച്ചതെന്നും ആനന്ദകുമാര് പറഞ്ഞു.
വര്ഷങ്ങള്ക്ക് മുമ്പ് ലാലി വിന്സന്റ് ആണ് അനന്തു കൃഷ്ണനെ പരിചയപ്പെടുത്തിയത്. പിന്നീട് നാഷണല് എന്ജിഒ കോൺഫെഡറേഷന്റെ ഉദ്ഘാടനത്തിനാണ് അദ്ദേഹത്തെ കാണുന്നത്. അതിന് ശേഷം അദ്ദേഹം ചില പ്രൊജക്ടുകള് സമര്പ്പിച്ചു. അത് നാഷണല് എന്ജിഒ കോണ്ഫെഡറേഷന്റെ ബോര്ഡ് ചര്ച്ച ചെയ്തു. ആ പ്രൊജക്ടുകളുടെ സാമ്പത്തിക ഉത്തരവാദിത്വം ഉള്പ്പടെ പരിപൂര്ണ ഉത്തരവാദിത്വം അനന്തു കൃഷ്ണനും അനന്തുകൃഷ്ണന്റെ കമ്പനിക്കുമായിരിക്കുമെന്നും അന്നത്തെ മിനുട്സിലും എഴുതിയിരുന്നു.
ഒരു വര്ഷക്കാലമാണ് താന് കോണ്ഫെഡറേഷന്റെ ചെയര്മാന് സ്ഥാനത്തുണ്ടായിരുന്നതെന്നും ആനന്ദകുമാര് പറയുന്നു. താനാണ് ജസ്റ്റിസ് സിഎന് രാമചന്ദ്രനെ ഉപദേശകസ്ഥാനത്തേക്ക് ക്ഷണിച്ചതെന്ന് അദ്ദേഹം പറഞ്ഞു. ഉപദേശകനായതിനാല് സംഘടനയുടെ കാര്യങ്ങളില് അദ്ദേഹം പങ്കെടുത്തിരുന്നില്ല. എന്നാല് തട്ടിപ്പുമായി സൂചന കിട്ടിയപ്പോഴാണ് അദ്ദേഹം രാജിവെച്ചത്. അദ്ദേഹത്തിന് പിന്നാലെ താനും രാജിവെച്ചെന്നും ആനന്ദകുമാര് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.