ചേന്ദമംഗലം കൂട്ടക്കൊല; പ്രതി ലഹരിക്ക് അടിമ; പൊലീസ് കുറ്റപത്രം സമർപ്പിച്ചു

കൊച്ചി: ചേന്ദമംഗലത്ത് ഒരു കുടുംബത്തിലെ മൂന്നു പേരെ കൂട്ടക്കൊല ചെയ്ത കേസിൽ പൊലീസ് കുറ്റപത്രം സമർപ്പിച്ചു. വടക്കന്‍ പറവൂർ മജിസ്ട്രേട്ട് കോടതിയിലാണ് 1000 പേജുള്ള കുറ്റപത്രം സമർപ്പിച്ചത്.

മുൻവൈരാഗ്യം തീർക്കാൻ പ്രതി ഋതു ജയൻ (27) മനഃപൂർവം നടത്തിയ കൊലപാതകം എന്നാണ് കുറ്റപത്രത്തില്‍ പറഞ്ഞിരിക്കുന്നത്.

കൊലപാതകം നടന്ന് ഒരു മാസത്തിനകമാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചിരിക്കുന്നത്. 112 സാക്ഷിമൊഴികളും 52 അനുബന്ധ തെളിവുകളും അടക്കമാണ് കുറ്റപത്രം.

പ്രതി ലഹരിക്കടിമയാണെന്നും എന്നാൽ മാനസിക പ്രശ്നങ്ങളില്ലെന്നും കുറ്റപത്രത്തില്‍ പറയുന്നു.