അങ്ങാടിപ്പുറം തളി അതിരുദ്രയജ്ഞം സമാപിച്ചു

അങ്ങാടിപ്പുറം: ചരിത്ര പ്രധാനമായ അങ്ങാടിപ്പുറം തളി ക്ഷേത്രത്തിലെ അതിരുദ്രയജ്ഞം സമംഗളം പര്യവസാനിച്ചു. രാവിലെ 5 മണി മുതൽ അഷ്ടദ്രവ്യ മഹാഗണപതി ഹോമവും തുടർന്ന് രുദ്രജപവും വിശിഷ്ടമായ വസോർദ്ധാരയും ജപിച്ച 121 കലശങ്ങളുടെ അഭിഷേകവും നടന്നു.

യജ്ഞക്രിയകൾക്ക് സമാപനംകുറിച്ചുകൊണ്ട് നടന്ന വസോർധാര ചടങ്ങ് 

യജ്ഞസമർപ്പണ സഭയിൽ തന്ത്രി ബ്രഹ്മശ്രീ അണ്ടലാടി പരമേശ്വരൻ നമ്പൂതിരിപ്പാട് ഭദ്രദീപം കൊളുത്തി. ഞെരളത്ത് ഹരിഗോവിന്ദൻ്റെ സോപാനസംഗീതത്തിലൂടെ യജ്ഞ സമർപ്പണസഭ ആരംഭിച്ചു.

തളി സമിതി ഉപാദ്ധ്യക്ഷ ശ്രീമതി തങ്കം രാമചന്ദ്രൻ സ്വാഗതവും സ്വാഗത സംഘം ചെയർമാൻ എൻ എം കദംബൻ നമ്പൂതിരിപ്പാട് ആദ്ധ്യക്ഷ്യവും വഹിച്ചു. കൊളത്തൂർ അദ്വൈതാശ്രമം ആചാര്യൻ സ്വാമി ചിദാനന്ദപുരി ഉദ്ഘാടനം നിർവ്വഹിച്ചു. 

ഐക്യവേദി സംസ്ഥാന അദ്ധ്യക്ഷൻ ആർ. വി. ബാബു, വി.എച്. പി. സംസ്ഥാന ജനറൽ സെക്രട്ടറി വി. ആർ. രാജശേഖരൻ, സമിതി മുൻ അദ്ധ്യക്ഷൻ എം മോഹനൻ, രാഷ്ട്രീയ സ്വയംസേവക സംഘം മലപ്പുറം വിഭാഗ് സേവാ പ്രമുഖ് കെ. എൻ. രാമൻകുട്ടി മുതലായവർ സംസാരിച്ചു. സമിതി മുൻസംഘടനാ കാര്യദർശി വി.കെ. വിശ്വനാഥൻ ഭാവാത്മകമായി യജ്ഞസന്ദേശം നൽകി. 

സ്വാമിനി വിഷ്ണുപ്രിയാനന്ദ സരസ്വതി, സമിതി മുൻ സംഘടന കാര്യദർശി ടി.യു മോഹനൻ, സമിതി സംസ്ഥാന ഖജാൻജി വി. എസ്. രാമസ്വാമി, സമിതി സംസ്ഥാന ഉപാദ്ധ്യക്ഷൻ കെ നാരായണൻ കുട്ടി, സമിതി സംസ്ഥാന സമ്പർക്ക പ്രമുഖ് നാരായണൻ ഭട്ടതിരിപ്പാട് മുതലായവർ സന്നിഹിതരായിരുന്നു. സമിതി ജില്ല സെക്രട്ടറി ടി. പി. സുധീഷ് കൃതജ്ഞത രേഖപ്പെടുത്തി