കൊച്ചി: മഹാശിവരാത്രി നാളിലെ പിതൃകർമങ്ങൾക്കായി ജനലക്ഷങ്ങൾ ആലുവ മണപ്പുറത്തേക്ക്. ഇന്നു വൈകിട്ടു മുതൽ ശക്തമാകുന്ന ഭക്തജന പ്രവാഹത്തെ വരവേൽക്കാൻ പെരിയാറിന്റെ തീരത്ത് ഒരുക്കങ്ങളെല്ലാം പൂർത്തിയായി. ഇന്നു രാത്രി ശിവരാത്രി ബലിയും വ്യാഴാഴ്ച രാവിലെ 8.30 മുതൽ കുംഭത്തിലെ വാവുബലിയും നടക്കും. മണപ്പുറം മഹാദേവ ക്ഷേത്രത്തിൽ രാവിലെ ലക്ഷാർച്ചനയോടെയാണ് ശിവരാത്രി ആഘോഷങ്ങൾക്ക് തുടക്കമായത്.
സംസ്ഥാനത്ത് ഏറ്റവുമധികം പേർ ശിവരാത്രി ബലിയിടാൻ എത്തുന്നത് ആലുവ മണപ്പുറത്താണ്. 116 ബലിത്തറകളാണ് തിരുവിതാംകൂർ ദേവസ്വം ബോർഡ് ഇവിടെ ഒരുക്കിയത്.
മണപ്പുറത്തും പുഴയുടെ മറുകരയിൽ ശ്രീനാരായണ ഗുരു സ്ഥാപിച്ച അദ്വൈതാശ്രമത്തിലും പിതൃകർമങ്ങൾ നടക്കും. മണപ്പുറത്ത് ദേവസ്വം ബോർഡും അദ്വൈതാശ്രമത്തിൽ ശ്രീനാരായണ ധർമസംഘം ട്രസ്റ്റുമാണ് സൗകര്യങ്ങൾ ഒരുക്കിയിരിക്കുന്നത്. ശിവരാത്രി വിളക്കും എഴുന്നള്ളിപ്പിനും ശേഷമാണ് ബലിതർപ്പണം ഔപചാരികമായി തുടങ്ങുക. ദൂരദേശങ്ങളിൽ നിന്ന് വരുന്നവർക്കായി പുഴയോരത്തെ ബലിത്തറകളിൽ സന്ധ്യയോടെ തന്നെ കർമങ്ങൾ ആരംഭിക്കും.
ബലിതർപ്പണത്തിന് ദേവസ്വം ബോർഡ് നിരക്ക് 75 രൂപയാണ്. പുരോഹിതർക്ക് ഭക്തരുടെ ദക്ഷിണ സ്വീകരിക്കാം. അപ്പവും അരവണയും വഴിപാടു കൗണ്ടറുകളിൽ‍നിന്ന് 50 രൂപ നിരക്കിൽ ലഭിക്കും. ഭക്തജനങ്ങൾക്ക് 2 കോടി രൂപയുടെ ഇൻഷുറൻസ് പരിരക്ഷ ഏർപ്പെടുത്തി. രാത്രി ഉറക്കമൊഴിയുന്നവർക്ക് ദേവസ്വം ബോർഡ് ലഘുഭക്ഷണം ഏർപ്പാടാക്കിയിട്ടുണ്ട്. കെഎസ്ആർടിസി ജില്ലയുടെ വിവിധ ഭാഗങ്ങളിൽനിന്ന് മണപ്പുറത്തേക്ക് 250 സ്പെഷൽ സർവീസുകൾ നടത്തും. കൊച്ചി മെട്രോയും സ്പെഷൽ സർവീസ് ഒരുക്കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.