തിരുവനന്തപുരം: ഇനി മുതൽ പൊതുജനങ്ങൾ പോലീസ് സ്റ്റേഷനിൽ നേരിട്ട് പോകാതെ തന്നെ പരാതി സമർപ്പിക്കാനുള്ള സൗകര്യം ലഭ്യമാക്കുന്നു. കേരള പൊലീസിന്റെ ഔദ്യോഗിക ആപ്ലിക്കേഷൻ 'Pol-App' വഴിയോ തുണ (Tuna-https://thuna.keralapolice.gov.in/) വെബ് പോർട്ടൽ വഴിയോ ഇനി പോലീസ് സ്റ്റേഷനിൽ നേരിട്ട് പോകാതെ തന്നെ പരാതി നൽകാം.
Pol-App ഇൻസ്റ്റാൾ ചെയ്ത ശേഷം, മൊബൈൽ നമ്പർ ഉപയോഗിച്ച് രജിസ്റ്റർ ചെയ്യണം. തുടർന്നുള്ള ഘട്ടത്തിൽ, പരാതിക്കാരന്റെ പേര്, വയസ്സ്, മൊബൈൽ നമ്പർ, ആധാർ നമ്പർ, പൂർണ്ണ മേൽവിലാസം എന്നിവ നൽകിയാൽ, അപേക്ഷ സമർപ്പിക്കാനാകും.
പരാതിയുടെ വിശദാംശങ്ങൾ നൽകുമ്പോൾ;
- സംഭവം നടന്ന സ്ഥലവും സമയവും,
- തീയ്യതി,
- പരാതിയുടെ ലഘു വിവരണം,
- അനുബന്ധ രേഖകൾ,
- പോലീസ് സ്റ്റേഷൻ പരിധി
മുതലായ വിശദാംശങ്ങളോടെ പരാതി സമർപ്പിക്കാവുന്നതാണ്.
പോലീസ് സ്റ്റേഷൻ മുതൽ ഡി ജി പി ഓഫീസിൽ വരെ പരാതി നൽകുവാൻ ഈ സംവിധാനത്തിലൂടെ സാധിക്കും . പരാതി നൽകിയ ശേഷം, പരാതിയുടെ കോപ്പി പരാതിക്കാരന് പ്രിന്റ് എടുക്കാവുന്നതാണ്.സമർപ്പിച്ച പരാതിയുടെ നിലവിലെ അവസ്ഥയും സ്വീകരിച്ച നടപടികളും ഈ സംവിധാനത്തിലൂടെ പരിശോധിക്കുവാനും സാധിക്കും.കേരള പോലീസിന്റെ ട്വീറ്റർ (X) ഹാന്ഡിലിൽ നിന്നും അറിയിച്ചതാണ് ഇക്കാര്യം .
പൊതുജന സൗകര്യത്തിനായി ഡിജിറ്റൽ സംവിധാനങ്ങൾ ഉപയോഗപ്പെടുത്തുന്നതിന്റെ ഭാഗമായ ഈ നീക്കം, കൂടുതൽ സുതാര്യവും കാര്യക്ഷമവും ആകും എന്നാണു വിലയിരുത്തൽ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.