കടുത്ത മഞ്ഞു വീഴ്ച: ലാൻഡിംഗിനിടെ കാനഡയിൽ വിമാനാപകടം; വിമാനം മറിഞ്ഞ് 19 പേര്‍ക്ക് പരുക്ക്, ഒരു കുട്ടിയടക്കം 3 പേരുടെ നില ഗുരുതരം,

കനഡയിലെ ടൊറന്റോയില്‍ ലാൻഡിംഗിനിടെ വിമാനം മറിഞ്ഞ് 19 പേർക്ക് പരുക്കേറ്റു. ഒരു കുഞ്ഞ് ഉള്‍പ്പെടെ 3 പേരുടെ നില ഗുരുതരം.

വിമാനത്തില്‍ 80 പേർ ഉണ്ടായിരുന്നു, അവരെയെല്ലാം ഒഴിപ്പിച്ചു. ടോറൻ്റോ പിയേഴ്സണ്‍ ഇൻ്റർ നാഷനല്‍ എയർപോർട്ട് കടുത്ത മഞ്ഞു മൂടിനിലയിലായിരുന്നു . വിമാനം ലാൻഡ് ചെയ്യുന്നതിനും തൊട്ടുമുമ്പ് കടുത്ത മഞ്ഞു വീഴ്ചയുണ്ടായിരുന്നു.

യുഎസ് ഫെഡറല്‍ ഏവിയേഷൻ അഡ്മിനിസ്ട്രേഷൻ (എഫ്‌എഎ) പ്രകാരം, പ്രാദേശിക സമയം ഏകദേശം 2:45 ന് ടൊറന്റോ വിമാനത്താവളത്തില്‍ ലാൻഡ് ചെയ്യുന്നതിനിടെ ഡെല്‍റ്റ എയർലൈൻസ് ഫ്ലൈറ്റ് 4819 തലകീഴായി മറിയുകയായിരുന്നു.

അമേരിക്കയിലെ മിനസോട്ടയില്‍ നിന്നുള്ള ഡെല്‍റ്റ വിമാനമാണ് അപകടത്തില്‍പ്പെട്ടത് എന്ന് യുഎസ് ഫെഡറല്‍ ഏവിയേഷൻ അഡ്മിനിസ്ട്രേഷൻ അറിയിച്ചു. അപകടം കാരണം എന്താണ് എന്ന് ഇതുവരെ വ്യക്തമല്ല.

മിക്കയാത്രക്കാരും സുരക്ഷിതരാണെന്നും സാഹചര്യം താൻ നിരീക്ഷിച്ചു വരികയാണെന്നും കാനഡ ഗതാഗത മന്ത്രി അനിത ആനന്ദ് പറഞ്ഞു.