തിരുവനന്തപുരം നെടുമങ്ങാട് ടൂറിസ്റ്റ് ബസ് മറിഞ്ഞ് അപകടം; വിനോദയാത്രക്ക് പോയ ബസാണ് അപകടത്തിൽ പെട്ടത്

തിരുവനന്തപുരം: തിരുവനന്തപുരം ജില്ലയിലെ നെടുമങ്ങാട് ഇരിഞ്ചയത്ത് ടൂറിസ്റ്റ് ബസ് നിയന്ത്രണം വിട്ട് മറിഞ്ഞു അപകടം.

 വിനോദ യാത്ര കഴിഞ്ഞ് തിരിച്ച്  വരുമ്പോൾ ആണ് അപകടത്തിൽപെട്ടത്. അപകടത്തിൽ നിരവധി പേർക്ക് പരിക്കേറ്റതായി വിവരം. നാട്ടുകാരും പൊലീസും ഫയർഫോഴ്സും ചേർന്ന് പരിക്കേറ്റവരെ ആശുപത്രികളിലേക്ക് മാറ്റുകയാണ്.

കാട്ടാക്കട പെരുങ്കടവിളയിൽ നിന്ന് ടൂർ പോയവരാണ് അപകടത്തിൽപെട്ടത്. 49 പേര് ബസിലുണ്ടായിരുന്നത് എന്നാണ് വിവരം. പരിക്കേറ്റവരെ മെഡിക്കൽ കോളേജ് അശുപതിയിലേക്ക് മാറ്റിയിരിക്കുകയാണ്.  നിലവിൽ നാട്ടുകാരും ഫയർഫോഴ്സും രക്ഷാപ്രവർത്തനം തുടരുകയാണ്.