കർണാടക: ഇന്ത്യയിലെ റോഡുകളില്‍ പലപ്പോഴും നാം അഭിമുഖീകരിക്കുന്ന വലിയ പ്രശ്നമാണ് ഹോണടി ശബ്ദം വലിയ അസഹിഷ്ണുതയാണ് ഇവിടെ വാഹനമോടിക്കുന്നവർക്ക് എന്ന് തോന്നും.
ഒരു സെക്കന്റ് ഒന്ന് നിന്നുപോയാല്‍ അപ്പോള്‍ തുടങ്ങും ഹോണ്‍ മുഴക്കാൻ. പലപ്പോഴും വിദേശത്ത് നിന്നുമെത്തുന്ന സഞ്ചാരികള്‍ ഈ ഹോണടി ശബ്ദത്തെ കുറിച്ച്‌ പരാതികള്‍ പറയാറുണ്ട്. എന്തായാലും, അതിനിടയില്‍ കർണാടകയില്‍ നിന്നുള്ള ഒരു വീഡിയോയാണ് സാമൂഹിക മാധ്യമങ്ങളില്‍ ചർച്ചയായിക്കൊണ്ടിരിക്കുന്നത്. കർണാടക പൊലീസ് ഇങ്ങനെ ഉറക്കെ ഹോണ്‍ മുഴക്കുന്ന ഡ്രൈവർമാർക്ക് അതേ ഹോണ്‍ തന്നെ കേള്‍പ്പിച്ചു കൊടുക്കുന്നതാണ് വീഡിയോയില്‍ കാണാൻ സാധിക്കുന്നത്. വീഡിയോയില്‍ ഒരു കോളേജ് ബസ് കാണാം. അതില്‍ നിന്നും ഡ്രൈവറെ ഇറക്കിയിട്ടുണ്ട്. പിന്നീട് ഹോണ്‍ ശബ്ദം കേള്‍ക്കുന്ന സ്ഥലത്ത് കാതുചേർത്ത് നില്‍ക്കാനാണ് പറയുന്നത്. പിന്നാലെ പൊലീസ് ഹോണ്‍ മുഴക്കുന്നു.
ഡ്രൈവറായ യുവാവിന്റെ മുഖം ക്യാമറയില്‍ കാണിക്കുന്നതും കാണാം. തുടരെത്തുടരെ ഈ ഹോണ്‍ കേള്‍ക്കുമ്പോള്‍ മറ്റുള്ളവർക്കുണ്ടാവുന്ന ബുദ്ധിമുട്ട് മനസിലാക്കി കൊടുക്കാനാണത്രെ ഇങ്ങനെ ഹോണ്‍ കേള്‍പ്പിക്കുന്നത്.
@vijeshetty എന്ന യൂസറാണ് എക്സില്‍ ഈ വീഡിയോ പങ്കുവച്ചിരിക്കുന്നത്. വളരെ പെട്ടെന്നാണ് വീഡിയോ സോഷ്യല്‍ മീഡിയയില്‍ ശ്രദ്ധ നേടിയത്. ഒരുപാടുപേർ പൊലീസിനെ അഭിനന്ദിച്ചു. ഹെഡ്‍ലൈറ്റിന്റെ കാര്യത്തിലും ഇത് തന്നെ ചെയ്യണം. മണിക്കൂറുകളോളം ആ ഹെഡ്‍ലൈറ്റില്‍ തന്നെ നോക്കിനില്‍ക്കാൻ അവരോട് ആവശ്യപ്പെടണം എന്നാണ് ഒരാള്‍ കമന്റ് നല്‍കിയത്.
എന്നാല്‍, നമ്മുടെ നിയമസംവിധാനം ഇങ്ങനെയല്ല ആളുകളെ ശിക്ഷിക്കേണ്ടത് എന്ന് അഭിപ്രായപ്പെട്ടവരും ഒരുപാടുണ്ട്. ഇത് ഒരു മാതൃകാപരമായ ശിക്ഷാരീതിയല്ല എന്നും അവർ അഭിപ്രായപ്പെട്ടു.
നേരത്തെ ഇതുപോലെ ജപ്പാനില്‍ നിന്നും ഇന്ത്യ സന്ദർശിക്കാനെത്തിയ ഒരു യുവതിയുടെ പോസ്റ്റ് സോഷ്യല്‍ മീഡിയയില്‍ വലിയ ശ്രദ്ധ പിടിച്ചുപറ്റിയിരുന്നു. വാഹനത്തിന്റെ ശബ്ദം കാരണം പുറത്തോട്ടിറങ്ങാൻ വയ്യെന്നും മുറിയിലിരുന്ന് കരഞ്ഞു എന്നുമായിരുന്നു അവരുടെ പോസ്റ്റ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.