തിരുവനന്തപുരം: കെപിസിസി പ്രസിഡന്റ് സ്ഥാനത്ത് നിന്ന് കെ സുധാകരനെ ഉടന് മാറ്റില്ലെന്ന് ഉറപ്പ്. പാര്ട്ടിക്കുള്ളില് താന് അറിയാതെ നടക്കുന്ന നേതൃമാറ്റ ചര്ച്ചകളില് കെ സുധാകരന് ഹൈക്കമാന്റിനെ അതൃപ്തി അറിയിച്ചിരുന്നു.
പ്രതിപക്ഷ നേതാവ് വി ഡി സതീശന് നയിക്കുന്ന യുഡിഎഫിന്റെ മലയോര പ്രചരണ ജാഥ ഉണ്ട്. ഇന്ന് ഇത് കണ്ണൂരില് ഉദ്ഘാടനം ചെയ്യുന്നത് മുതിര്ന്ന നേതാവ് കെ സി വേണുഗോപാല് ആണ്. കണ്ണൂരില് എത്തുന്ന കെ സി വേണുഗോപാല്, കെ സുധാകരനുമായി കൂടിക്കാഴ്ച നടത്തും.
കഴിഞ്ഞ ദിവസങ്ങളില് പാര്ട്ടിക്കുള്ളില് നിന്ന് തന്നെ നേതൃമാറ്റത്തിനായി ആവശ്യം ഉയര്ന്നിരുന്നു. ഇതുമായി ബന്ധപ്പെട്ട് കേരളത്തിന്റെ ചുമതലയുള്ള ദീപദാസ് മുന്ഷി പാര്ട്ടി നേതാക്കളെ പ്രത്യേകമായി കണ്ട് ചര്ച്ച നടത്തിയിരുന്നു. തദ്ദേശ തെരഞ്ഞെടുപ്പും നിയമസഭ തെരഞ്ഞെടുപ്പും അടുത്തിരിക്കുകയാണ്.
ഇപ്പോള് നേതൃമാറ്റം നടത്തുകയാണെങ്കില് കെപിസിസി പ്രസിഡന്റ് സ്ഥാനത്ത് കെ സുധാകരനെ പോലെ തലയെടുപ്പുള്ള നേതാവ് വേണം. അത്തരത്തില് തലയെടുപ്പുള്ള ഒരു നേതാവിനെ ഉടന് തന്നെ കണ്ടെത്താന് കഴിയുമോ എന്ന ആശങ്ക ഹൈക്കമാന്റിന് ഉണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.