പെൻഷൻ പരിഷ്കരണ കുടിശിക ഗഡു ഉടൻ നല്‍കാനൊരുങ്ങി സര്‍ക്കാര്‍

തിരുവനന്തപുരം: സർവീസ് പെൻഷൻകാർക്കു നല്‍കാനുള്ള പെൻഷൻ പരിഷ്കരണ കുടിശികയുടെ ഒരു ഗഡു കൂടി സർക്കാർ വൈകാതെ നല്‍കും.

താമസിയാതെ ഇതു സംബന്ധിച്ച ഉത്തരവിറക്കുമെന്നു ധനവകുപ്പ് വൃത്തങ്ങള്‍ വ്യക്തമാക്കി. പെൻഷൻ പരിഷ്കരണ കുടിശിക 4 ഗഡുക്കളായി നല്‍കാനായിരുന്നു സർക്കാർ തീരുമാനം. വൈകിയെങ്കിലും 3 ഗഡുക്കള്‍ നല്‍കി. ബാക്കിയുള്ള ഒരു ഗഡുവാണ് ഉടൻ നല്‍കുക.

ക്ഷേമപെൻഷൻകാർക്കു നല്‍കാനുള്ള 4 ഗഡു കുടിശികയില്‍ ഒരു ഗഡുവും വൈകാതെ നല്‍കും. ബാക്കിയുള്ളതില്‍ 2 ഗഡുക്കള്‍ ഏപ്രിലില്‍ ആരംഭിക്കുന്ന അടുത്ത സാമ്പത്തിക വർഷം നല്‍കുമെന്നു സർക്കാർ നേരത്തേ പ്രഖ്യാപിച്ചിരുന്നു.