മുന്നേറാനായത് അമ്മ കൂടെയുളളത് കൊണ്ട്: അവാര്‍ഡ് നേട്ടം അമ്മയ്ക്ക് സമര്‍പ്പിക്കുന്നു സജന്‍ പ്രകാശ്,

തിരുവനന്തപുരം: അർജുന അവാർഡ് ലഭിച്ചതില്‍ അഭിമാനമെന്ന് മലയാളി നീന്തല്‍ താരം സജന്‍ പ്രകാശ്

അർജുന അവാർഡ് നേട്ടം അമ്മയ്ക്ക് സമർപ്പിക്കുന്നുവെന്ന് പറഞ്ഞ സജൻ അമ്മ തന്റെ കൂടെ ഉള്ളതുകൊണ്ടാണ് തനിക്ക് മുന്നേറാനായതെന്നും കൂട്ടിച്ചേർത്തു.

സംസ്ഥാനത്തെ കായികരംഗത്തെ അടിസ്ഥാന സൗകര്യങ്ങള്‍ വർധിപ്പിക്കണമെന്നും സജൻ ആവശ്യപ്പെട്ടു. കായിക ഇനങ്ങള്‍ ദിനചര്യയില്‍ എത്തിയാലേ കാര്യങ്ങള്‍ മാറൂ. മികച്ച സൗകര്യങ്ങള്‍ ഒരുക്കിയാല്‍ മാത്രമേ മുന്നേറാൻ സാധിക്കുകയുള്ളൂ.

വരും മത്സരങ്ങളില്‍ മികച്ച പ്രകടനം നടത്താനാകുമെന്നാണ് പ്രതീക്ഷയെന്നും സജൻ പ്രകാശ് വിശദമാക്കി.