ഞെട്ടൽ: തലസ്ഥാനത്ത് സ്‌കൂള്‍ ബസില്‍ കത്തിക്കുത്ത്: 9ാം ക്ലാസുകാരനെ കുത്തി പ്ലസ് വണ്‍ വിദ്യാര്‍ത്ഥി കസ്റ്റഡിയില്‍,

തിരുവനന്തപുരം: വട്ടിയൂർക്കാവില്‍ ഓടിക്കൊണ്ടിരുന്ന സ്കൂള്‍ ബസിനുള്ളില്‍ കത്തിക്കുത്ത്.

നെട്ടയത്തെ സ്വകാര്യ സ്കൂളിൻ്റെ ബസില്‍ വച്ച്‌ പ്ലസ് വണ്‍ വിദ്യാർത്ഥി ഒൻപതാം ക്ലാസ് വിദ്യാർത്ഥിയെയാണ് കുത്തിപ്പരിക്കേല്‍പ്പിച്ചത്.

നെട്ടയം മലമുകളില്‍ വച്ചാണ് ബസിനുള്ളില്‍ ആക്രമണം നടന്നത്. കുത്തേറ്റ വിദ്യാർത്ഥിയെ ഉടനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയ്ക്കായി പ്രവേശിപ്പിച്ചു. കുത്തിയ വിദ്യാർത്ഥി വട്ടിയൂർക്കാവ് പൊലീസിൻ്റെ കസ്റ്റഡിയിലാണ്. കത്തിയും പൊലീസ് കണ്ടെത്തിയിട്ടുണ്ട്.