കെഎസ് യു-എസ്‌എഫ്‌ഐ പ്രവര്‍ത്തകര്‍ ഏറ്റുമുട്ടി, വളഞ്ഞിട്ട് തല്ലി; കാലിക്കറ്റ് സര്‍വ്വകലാശാല കലോത്സവം നിര്‍ത്തിവെച്ചു

തൃശ്ശൂർ : മാളയില്‍ നടക്കുന്ന കാലിക്കറ്റ് സർവ്വകലാശാല ഡി സോണ്‍ കലോത്സവത്തില്‍ കെഎസ് യു-എസ്‌എഫ്‌ഐ പ്രവർത്തകർ തമ്മില്‍ ഏറ്റുമുട്ടി.

കലോത്സവം തടസ്സപ്പെട്ടു. കെഎസ് യു ജില്ലാ അധ്യക്ഷൻ ഗോകുല്‍ ഗുരുവായൂരിന്റെ നേതൃത്വത്തിലുള്ള സംഘം അതിക്രമമുണ്ടാക്കിയെന്നാണ് എസ് എഫ് ഐ ആരോപണം. എസ് എഫ് ഐ പ്രവർത്തകരാണ് അക്രമത്തിന് പിന്നിലെന്ന് കെഎസ് യുവും ആരോപിച്ചു.

സ്കിറ്റ് മത്സരത്തിന് പിന്നാലെയാണ് സംഘർഷമുണ്ടായത്. പൊലീസെത്തി ലാത്തിവീശിയതോടെയാണ് സംഘർഷം അയഞ്ഞത്. സംഘർഷത്തെ തുടർന്ന് കലോത്സവം നിർത്തിവച്ചു.

മാള ഹോളി ഗ്രേസ് കോളജിലാണ് ഇത്തവണ ഡിസോണ്‍ കലോത്സവം നടക്കുന്നത്.