മാണൂരിൽ കെ.എസ്.ആർ.ടി.സി. ബസും ടൂറിസ്റ്റ് ബസും കൂട്ടിയിടിച്ച് 35-ൽപ്പരം യാത്രക്കാർക്ക് പരിക്ക്,

എടപ്പാൾ: സംസ്ഥാന പാതയിൽ മാണൂരിൽ കെ.എസ്.ആർ.ടി.സി. ബസും ടൂറിസ്റ്റ് ബസും തമ്മിൽ നടന്ന  അപകടത്തിൽ 35-ൽപ്പരം യാത്രക്കാർക്ക് പരിക്കേറ്റു. ഇന്ന് പുലർച്ചെ 2.50 ന് ആണ് അപകടം സംഭവിച്ചത്.

മാനന്തവാടിയിലേക്ക് പോകുന്ന കെ.എസ്.ആർ.ടി.സി. ബസും കാസർഗോഡ് നിന്ന് എറണാകുളത്തേക്ക് പോകുന്ന ടൂറിസ്റ്റ് ബസുമാണ് തമ്മിൽ കൂട്ടിയിടിച്ചത്.

പരിക്കേറ്റവരെ എടപ്പാൾ ജനറൽ ആശുപത്രി, കോട്ടക്കൽ മിംസ്, തൃശൂർ മെഡിക്കൽ കോളേജ് ആശുപത്രി എന്നിവിടങ്ങളിൽ പ്രവേശിപ്പിച്ചിരിക്കുകയാണ്.

അപകടത്തിന്റെ കാരണങ്ങൾ വ്യക്തമല്ല. സംഭവസ്ഥലത്ത് പോലീസ് അന്വേഷണം ആരംഭിച്ചിട്ടുണ്ട്.