ഒരു കൈയില്‍ വളയം, മറുകൈയില്‍ 'ഫോൺ: യാത്രക്കാര്‍ വീഡിയോയെടുത്തു, ഡ്രൈവറുടെ ലൈസൻസ് സസ്പെൻഡ് ചെയ്തു

കോഴിക്കോട്: മൊബൈല്‍ ഫോണ്‍ ഉപയോഗിച്ച്‌ ബസ് ഓടിച്ച ഡ്രൈവറുടെ ലൈസൻസ് സസ്പൻഡ് ചെയ്തു.

കോഴിക്കോട് നരിക്കുനി റൂട്ടില്‍ സർവീസ് നടത്തുന്ന ഫാമിലി ബസിലെ ഡ്രൈവർക്കെതിരെയാണ് നടപടി. ഡ്രൈവറായ കെ.കെ മുഹമ്മദ് ഹാരിസിന്റെ ലൈസൻസ് മൂന്ന് മാസത്തേക്കാണ് സസ്പെൻഡ് ചെയ്തത്.

യാത്രക്കാർ ചിത്രീകരിച്ച ദൃശ്യങ്ങളുടെ അടിസ്ഥാനത്തില്‍ കോഴിക്കോട് ആർടിഒയുടെ നിർദ്ദേശപ്രകാരമാണ് നടപടി.