കൊച്ചി: നടി ഹണി റോസ് നല്കിയ പരാതിയില് രാഹുല് ഈശ്വറിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും.
ഇതിനൊപ്പം രാഹുല് ഈശ്വര് തന്നെ സോഷ്യല് മീഡിയയിലൂടെ അപകീര്ത്തിപ്പെടുത്തി എന്നാണ് ഹണി റോസ് പരാതിയില് പറഞ്ഞത്. ഈ സംഭവത്തിലാണ് മുന്കൂര്ജാമ്യം തേടി രാഹുല് ഈശ്വര് ഹൈക്കോടതിയെ സമീപിച്ചത്. എന്നാല് ഹണി റോസിന്റെ പരാതി പ്രകാരം കേസെടുക്കാനുളള വകുപ്പുകളില്ലെന്നും വിശദമായ നിയമോപദേശം തേടും എന്നുമായിരുന്നു പൊലീസ് കോടതിയെ അറിയിച്ചത്.
ഇതോടെ എറണാകുളം സെന്ട്രല് പൊലീസില് ഹണി റോസ് പരാതി നല്കി. സോഷ്യല് മീഡിയയിലൂടെ രാഹുല് ഈശ്വര് തനിക്കെതിരെ സംഘടിത ആക്രമണം നടത്തുന്നു എന്നാണ് പരാതിയിലെ ആക്ഷേപം. ഹണി റോസിന്റെ വസ്ത്രധാരണത്തെ അടക്കം കുറ്റപ്പെടുത്തിയായിരുന്നു രാഹുല് ഈശ്വര് സംസാരിച്ചിരുന്നത്. ഇതോടെ ഹണി റോസിനെതിരെ സൈബര് ആക്രമണവും രൂക്ഷമായിരുന്നു.
പൊതുബോധം തനിക്കെതിരാക്കാനാണ് രാഹുലിന്റെ ശ്രമം എന്നായിരുന്നു ഹണി പറഞ്ഞിരുന്നത്. ഇതിന് പിന്നില് വലിയ ഗൂഢാലോചനയുണ്ടെന്ന ആരോപിച്ച നടി രാഹുല് ഈശ്വറിന്റെ ഫേസ്ബുക്ക് പോസ്റ്റുകളും പരാതിക്കൊപ്പം നല്കിയിരുന്നു. ഹണി റോസിന്റെ പരാതിയില് അറസ്റ്റിലായ ബോബി ചെമ്മണ്ണൂര് നിലവില് ജാമ്യത്തിലാണ്. ഹൈക്കോടതിയാണ് ബോബി ചെമ്മണ്ണൂരിന് ജാമ്യം അനുവദിച്ചത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.