കാട്ടാക്കടയിൽ അഞ്ചുദിവസമായി വാട്ടർ അതോറിറ്റിയുടെ പൈപ്പ് പൊട്ടി ജലം പാഴാകുന്നതായി പരാതി

കാട്ടാക്കട: മാറനല്ലൂർ പഞ്ചായത്തിൽ മാവുവിള ജംഗ്ഷനിൽ അഞ്ചുദിവസമായി വാട്ടർ അതോറിറ്റിയുടെ പൈപ്പ് പൊട്ടി ജലം പാഴാകുന്നതായി പരാതി. പുതിയ പൈപ്പ് സ്ഥാപിച്ചിട്ട് രണ്ടാഴ്ച മാത്രമാണ് ആയത്.

പൈപ്പ് ലൈൻ സ്ഥാപിച്ചത് ഉത്തരവാദിത്തമില്ലാതെയെന്ന് നാട്ടുകാർ ആരോപിച്ചു. പൈപ്പിട്ട് പോയി മൂന്നുദിവസം കഴിഞ്ഞ് ഉടനെ തന്നെ പൈപ്പ് പൊട്ടി ജലം പാഴായി ഇന്ന് അഞ്ചാം ദിവസം വാട്ടർ അതോറിറ്റിയെ പരാതിപ്പെട്ടിട്ടും അവർ ഇതുവരെ തിരിഞ്ഞു നോക്കിയില്ല.

മാവുവിള പ്രദേശമാകെ 300 ൽ അധികം വീടുകൾ ഉണ്ട്. അവരെല്ലാം കുടിവെള്ളം ലഭിക്കാതെ ബുദ്ധിമുട്ടിലാണ്. രാവിലെ സ്കൂൾ കുട്ടികളെ പോലും ഒരുക്കുവാനും പാചകം ചെയ്യാൻ പോലും കുടിവെള്ളം ലഭിക്കാതെയാണ് ജനങ്ങൾ വലയുന്നത്.

എത്രയും പെട്ടെന്ന് പൈപ്പ് ശരിയാക്കി കുടിവെള്ളക്ഷാമം പരിഹരിക്കണമെന്നാണ് നാട്ടുകാരുടെ ആവശ്യപ്പെടുന്നു.