കണ്ണൂര്: പിണറായി പഞ്ചായത്ത് ഓഫീസിലെ ജീവനക്കാരെ സി.പി.എം നേതാക്കള് ഭീഷണിപ്പെടുത്തിയതായി പരാതി. ഹൈക്കോടതി ഉത്തരവ് അനുസരിച്ച് പാതയോരത്തെ ഫ്ളക്സുകളും കൊടിതോരണങ്ങളും നീക്കിയതിന്റെ പേരിലായിരുന്നു ഭീഷണി.
സംഭവത്തില് പഞ്ചായത്ത് ഓഫീസ് ജീവനക്കാര് ചൊവ്വാഴ്ച വായമൂടിക്കെട്ടി പ്രതിഷേധിച്ചു. ഏതെങ്കിലും ഒരു രാഷ്ട്രീയപാര്ട്ടിയുടെ ബലത്തില് തങ്ങള്ക്കു നേരെയുള്ള കടന്നുകയറ്റം അംഗീകരിക്കാന് സാധിക്കില്ലെന്നും ജീവനക്കാര് പറഞ്ഞു. പഞ്ചായത്ത് ഓഫീസിലെ ജീവനക്കാരില് ഭൂരിപക്ഷവും ഇടത് അനുകൂല സംഘടനയില്പ്പെട്ടവരാണ്. അവര് തന്നെയാണ് ഇത്തരത്തില് ഒരു പ്രതിഷേധത്തിന് നേതൃത്വം നല്കിയത്.
പാതയോരത്തെ കൊടിതോരണങ്ങളും മറ്റും നീക്കം ചെയ്യണമെന്ന് ഹൈക്കോടതി ഉത്തരവുള്ളതാണ്. ഇതുമായി ബന്ധപ്പെട്ട് നേരത്തേ സര്വകക്ഷി യോഗം നടന്നിരുന്നു. ഈ യോഗത്തില് സിപിഎമ്മിന്റേതടക്കമുള്ള പാര്ട്ടി അംഗങ്ങള് പങ്കെടുക്കുകയും ചെയ്തതാണ്. യോഗത്തില് പാതയോരത്തും മറ്റും സ്ഥാപിച്ചിട്ടുള്ള ഫ്ളക്സുകളും കൊടിതോരണങ്ങളും എടുത്തുമാറ്റാന് എല്ലാ പാര്ട്ടിക്കാരോടും ആവശ്യപ്പെട്ടതാണ്.
അതേസമയം സംഭവത്തില് ജീവനക്കാര് പരാതി ഒന്നും നല്കിയിട്ടില്ലെന്നാണ് വിവരം. വിഷയവുമായി ബന്ധപ്പെട്ട് ഇന്ന് പഞ്ചായത്ത് ഭരണ സമിതി അടിയന്തര യോഗം ചേരുന്നുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.