പ്രഭാത സവാരിക്കിടെ ബസിടിച്ച് കോൺഗ്രസ് നേതാവ് മരിച്ചു

പൂച്ചാക്കൽ∙ ആലപ്പുഴയിൽ പ്രഭാത സവാരിക്കിടെ ബസിടിച്ച് കോൺഗ്രസ് നേതാവ് മരിച്ചു. പാണാവള്ളി മയൂരം എം.ആർ.രവി (63) ആണ് മരിച്ചത്.

വ്യാഴാഴ്ച രാവിലെ അരൂക്കുറ്റി - ചേർത്തല റോഡിൽ കുഞ്ചരം കവലയ്ക്ക് സമീപമാണ് അപകടം.

ഉടനെ കൊച്ചിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.

ആലപ്പുഴ ഡിസിസി അംഗമാണ് രവി. തൈക്കാട്ടുശേരി ബ്ലോക്ക് കോൺഗ്രസിന്റെ മുൻ പ്രസിഡന്റാണ്.