ചങ്ങരംകുളം പാവിട്ടപ്പുറത്ത് ബൈക്ക് അപകടം.: പത്താം ക്ളാസ് വിദ്യാര്‍ത്ഥിക്ക് ദാരുണാന്ത്യം,
0Sub-Editor 📩: dailymalayalyinfo@gmail.comവെള്ളിയാഴ്ച, ജനുവരി 17, 2025
ചങ്ങരംകുളം: സംസ്ഥാന പാതയില്‍ പാവിട്ടപ്പുറത്ത് ബൈക്ക് അപകടത്തില്‍ വിദ്യാര്‍ത്ഥി മരിച്ചു.ഒപ്പമുണ്ടായിരുന്ന വിദ്യാര്‍ത്ഥിക്ക് പരിക്കേറ്റു.എറവറാംകുന്ന് സ്വദേശി തെക്കത്ത് വളപ്പില്‍ ശിഹാബിന്റെ മകന്‍ 16 വയസുള്ള ഷഹബാസ് ആണ് മരിച്ചത്.
പാവിട്ടപ്പുറം സ്വദേശി കുളങ്ങര വീട്ടില്‍ 16 വയസുള്ള റിഹാന്‍ ആണ് പരിക്കേറ്റത്.കുറ്റിപ്പുറം തൃശ്ശൂര്‍ സംസ്ഥാന പാതയില്‍ പാവിട്ടപ്പുറം മാങ്കുളത്ത് വ്യാഴാഴ്ച വൈകിയിട്ട് ആറരയോടെയാണ് സംഭവം.വിദ്യാര്‍ത്ഥികള്‍ സഞ്ചരിച്ച ബൈക്ക് മറ്റൊരു വാഹനത്തില്‍ ഇടിച്ച് മറിയുകയായിരുന്നു എന്നാണ് നിഗമനം.
പരിക്കേറ്റ നിലയില്‍ റോഡില്‍ കിടന്ന ഇരുവരെയും ഓടിക്കൂടിയവര്‍ ചങ്ങരംകുളത്ത് സ്വകാര്യ ആശുപത്രിയില്‍ എത്തിച്ചെങ്കിലും ഷഹബാസ് മരണപ്പെട്ടിരുന്നു.പരിക്കേറ്റ റിഹാന്‍ ചങ്ങരംകുളത്ത് സണ്‍റൈസ് ആശുപത്രിയില്‍ ചികിത്സയിലാണ്.
സണ്‍റൈസ് ആശുപത്രിയില്‍ മോര്‍ച്ചറിയില്‍ സൂക്ഷിച്ച ഷഹബാസിന്റെ മൃതദേഹം വെള്ളിയാഴ്ച പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും.അപകടത്തില്‍ പെട്ട ഇരുവരും കോക്കൂര്‍ ടെക്നിക്കല്‍ സ്കൂളില്‍ വിദ്യാര്‍ത്ഥികളാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.