അദ്ധ്യാപികയെ നോട്ട്ബുക്ക് കാണിക്കുന്നതിനിടെ കുഴഞ്ഞുവീണു; ഹൃദയാഘാതം മൂലം എട്ട് വയസ്സുകാരിക്ക് ദാരുണാന്ത്യം,

മൈസൂരു: ഹൃദയാഘാതം മൂലം എട്ട് വയസ്സുകാരി മരിച്ചു. ചാമരാജ നഗർ സെൻ്റ് ഫ്രാൻസിസ് സ്കൂള്‍ വിദ്യാർത്ഥിയായ തേജസ്വിനിയാണ് മരിച്ചത്.

മൂന്നാം ക്ലാസ് വിദ്യാർത്ഥിനിയായിരുന്നു. കുഞ്ഞിന് ആരോഗ്യപ്രശ്നങ്ങള്‍ ഉണ്ടായിരുന്നില്ലെന്ന് മാതാപിതാക്കള്‍ പറഞ്ഞു.

ഇന്നലെ ഉച്ചയോടെയായിരുന്നു സംഭവം. അദ്ധ്യാപികയെ നോട്ട്ബുക്ക് കാണിക്കുന്നതിനിടെ പെണ്‍കുട്ടി കുഴഞ്ഞ് വീഴുകയായിരുന്നു. സ്കൂള്‍ അധികൃതർ ഉടൻ തന്നെ ജെഎസ്‌എസ് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.

തുടർന്ന് ഡോക്ടർമാർ നടത്തിയ പരിശോധനയിലാണ് ഹൃദയാഘാതം ഉണ്ടായതായി കണ്ടെത്തിയത്.