'തൊഴുന്നതിന് പകരം ആരെങ്കിലും അമ്പലത്തില്‍ കയറി ഹായ് എന്ന് പറയുമോ:? കെ മുരളീധരൻ,

കോഴിക്കോട്: സംസ്ഥാനത്ത് ക്ഷേത്രാചാരങ്ങളുമായി ബന്ധപ്പെട്ട് വീണ്ടും വിവാദം തലപൊക്കി. ക്ഷേത്രങ്ങളില്‍ ഷര്‍ട്ട് ധരിക്കണമെന്ന മുഖ്യമന്ത്രിയുടെ പരാമര്‍ശത്തിന് പ്രതികരണവുമായി ഇപ്പോള്‍ കെ മുരളീധരന്‍ രംഗത്ത് എത്തിയിരിക്കുകയാണ്.

ഓരോ ക്ഷേത്രങ്ങള്‍ക്കും ഓരോ രീതിയാണെന്നും ആ കാര്യത്തില്‍ തീരുമാനമെടുക്കേണ്ടത് തന്ത്രിമാരാണെന്നും അദ്ദേഹം ചൂണ്ടിക്കാണിച്ചു. 

രാഷ്ട്രീയം പോലെ തീരുമാനിക്കേണ്ട കാര്യമല്ലിതെന്നും അത്തരം കാര്യങ്ങള്‍ ക്ഷേത്രങ്ങള്‍ക്ക് വിട്ടുകൊടുക്കേണ്ടതാണെന്നും അതില്‍ കയറി പരിഷ്‌കാരങ്ങള്‍ വരുത്താന്‍ നില്‍ക്കേണ്ട എന്നും മുരളീധരന്‍ പറയുന്നു. തൊഴുകല്‍ പഴയ രീതിയാണ്, അതുകൊണ്ട് ആരെങ്കിലും അമ്പലത്തില്‍ കയറി ഹായ് പറയുമോ എന്നും മുരളീധരന്‍ ചോദിച്ചു.

അതേസമയം, എന്‍എസ്‌എസും കോണ്‍ഗ്രസും തമ്മില്‍ ഒരുവിധ അകല്‍ച്ചയും ഇല്ലെന്നും മുരളീധരന്‍ ചൂണ്ടിക്കാട്ടി. എന്‍എസ്‌എസ് ആസ്ഥാനത്തെ മന്നംജയന്തി പരിപാടിയില്‍ രമേശ് ചെന്നിത്തല പങ്കെടുത്തതിനോട്, എല്ലാവര്‍ഷവും എന്‍എസ്‌എസ് വിശിഷ്ടാതിഥികളെ പങ്കെടുപ്പിക്കാറുണ്ട്
എന്നാണ് പ്രതികരിച്ചത്.

എന്‍എസ്‌എസ് കൂടുതലായും കോണ്‍ഗ്രസ് നേതാക്കളെയാണ് പങ്കെടുപ്പിക്കാറുള്ളതെന്നും അതിന്റെ ഭാഗമായാണ് ഇത്തവണ രമേശ് ചെന്നിത്തല വന്നതെന്നും കെ മുരളീധരന്‍ പറഞ്ഞു.