കണ്ണൂർ: മട്ടന്നൂർ നഗരസഭയ്ക്ക് സമീപം മാലൂരില് അമ്മയെയും മകനെയും ദുരൂഹ സാഹചര്യത്തില് മരിച്ച നിലയില് കണ്ടെത്തി.അമ്മയെ കൊലപ്പെടുത്തിയ ശേഷം മകൻ ആത്മഹത്യ ചെയ്തതാണെന്നാണ് പൊലീസിന്റെ പ്രാഥമിക നിഗമനം.
പൊലീസ് എത്തി വീടിന്റെ വാതില് തുറന്നപ്പോഴാണ് സുമേഷിനെ ഡൈനിങ് റൂമില് തൂങ്ങിമരിച്ച നിലയിലും അമ്മ നിർമ്മലയെ കിടപ്പുമുറിയില് മരിച്ച നിലയിലും കണ്ടെത്തിയത്. സുമേഷ് ഇടുക്കി ജില്ലയില് കെഎസ്ഇബി ലൈൻമാനായിരുന്നു. ദിവസങ്ങള്ക്ക് മുൻപാണ് ഇയാള് ജോലിസ്ഥലത്ത് നിന്നും വീട്ടിലെത്തിയത്.
വീട്ടിലെത്തിയാലും ഇയാള് നിരന്തരം പ്രശ്നങ്ങളുണ്ടാക്കാറുണ്ടെന്ന് പ്രദേശവാസികള് പറയുന്നു. അയല്വാസികളുമായി യാതൊരു ബന്ധവുമില്ലാതെ ഒറ്റപ്പെട്ട ജീവിതമാണ് ഇവർ നയിച്ചിരുന്നത്. അതുകൊണ്ടുതന്നെ ഇവരെക്കുറിച്ചുള്ള കൂടുതല് വിവരങ്ങള് നാട്ടുകാർക്കറിയില്ല.
മാലൂർ പൊലീസ് ഇൻക്വസ്റ്റ് നടത്തി. കണ്ണൂരില് നിന്നും ഫോറൻസിക് ഉദ്യോഗസ്ഥരും സ്ഥലത്തെത്തി പരിശോധന നടത്തി. സുമേഷ് അവിവാഹിതനാണ്. മൃതദേഹങ്ങള് ഇൻക്വസ്റ്റ് നടപടികള്ക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി. മാലൂർ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.