തിരുവനന്തപുരം: കരുവന്നൂരിനെ പറ്റി പറഞ്ഞില്ല എന്ന തിരുവഞ്ചൂർ രാധാകൃഷ്ണന്‍റെ 'പരിഭവത്തിന്' കോണ്‍ഗ്രസ് ഭരിക്കുന്ന സഹകരണ ബാങ്കുകളിലെ തട്ടിപ്പുകള്‍ എണ്ണിപ്പറഞ്ഞ് മറുപടി കൊടുത്ത് മുഖ്യമന്ത്രി.
തട്ടിപ്പുകാരെ ജയില്‍ മോചിതരാകുമ്പോള്‍ കോണ്‍ഗ്രസ് സ്വീകരിച്ചു. എൻഎം വിജയന്‍റെ മരണത്തിലെ പ്രതികളെയും ഇതുപോലെ സ്വീകരിക്കില്ലേ എന്നും മുഖ്യമന്ത്രി ചോദിച്ചു.
പടർന്നു പന്തലിച്ചു കിടക്കുന്ന മേഖലയാണ് സഹകരണ മേഖല. ഇതില്‍ ചെറിയ പ്രശ്നങ്ങള്‍ ഉണ്ടാകും. അതുകൊണ്ട് സഹകരണ മേഖല ആകെ കുഴപ്പമാണ് എന്ന പ്രതീതി സൃഷ്ടിക്കരുതെന്നും മുഖ്യമന്ത്രി പറഞ്ഞു. സഹകരണ മേഖലയുടെ വിശ്വാസ്യത തകർക്കുന്ന പ്രവർത്തനങ്ങളിലേക്ക് ആരും കടക്കാതിരിക്കാൻ ശ്രദ്ധിക്കണം.
ജല്‍ജീവൻ മിഷൻ കേന്ദ്രവിഹിതം ഘട്ടം ഘട്ടമായാണ് ലഭിക്കുന്നത്. സംസ്ഥാനം കടക്കെണിയില്‍ ആണെന്ന് പ്രതിപക്ഷവും മാധ്യമങ്ങളും പ്രചരിപ്പിക്കുന്നു. ഇവർ പറയുന്നത് കേട്ടാല്‍ 2016 എല്‍ഡിഎഫ് സർക്കാർ വന്നതിനുശേഷം ആണ് ആദ്യമായി കടമെടുക്കുന്നത് എന്നാണ് തോന്നുക. സംസ്ഥാനത്ത് കടഭാരം കുറച്ചു കൊണ്ടുവരികയാണ് സർക്കാർ.
ധന ഉത്തരവാദിത്വ നിയമത്തിന്‍റെ പരിധിക്കുള്ളില്‍ നിന്നാണ് കടമെടുക്കുന്നത്. തോന്നിയതുപോലെ കടമെടുക്കാൻ സംസ്ഥാനത്തിന് കഴിയില്ല. അത്തരത്തിലുള്ള പ്രചാരണം സംസ്ഥാനത്തെ താറടിക്കാൻ നടത്തുന്നതാണെന്നും മുഖ്യമന്ത്രി ആരോപിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.