ക്യാരറ്റ് തൊണ്ടയില്‍ കുടുങ്ങി രണ്ടര വയസുകാരിക്ക് ദാരുണാന്ത്യം,

ചെന്നൈ: ക്യാരറ്റ് തൊണ്ടയില്‍ കുടുങ്ങി രണ്ടര വയസുകാരി മരിച്ചു. ചെന്നൈ വാഷർമെൻപെട്ടിലെ വിഗ്നേഷ് -പ്രമീള ദമ്പതികളുടെ മകള്‍ ലതിഷ ആണ്‌ മരിച്ചത്.

പ്രമീളയുടെ വീട്ടില്‍ വച്ച്‌ ക്യാരറ്റ് കഴിക്കുന്നതിനിടെ കഷ്ണം തൊണ്ടയില്‍ കുടുങ്ങുകയായിരുന്നു. ഇതോടെ ശ്വാസംമുട്ടല്‍ അനുഭവപ്പെട്ട കുട്ടി കുഴഞ്ഞുവീഴുകയായിരുന്നു.

ഉടൻ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.