സൗരവ് ഗാംഗുലിയുടെ മകള്‍ സഞ്ചരിച്ച കാര്‍ ബസുമായി കൂട്ടിയിടിച്ച്‌ അപകടം; രക്ഷപ്പെട്ടത് തലനാരിഴക്ക്;

കൊല്‍ക്കത്ത: മുൻ ഇന്ത്യൻ ക്രിക്കറ്റ് നായകൻ സൗരവ് ഗാംഗുലിയുടെ മകള്‍ സഞ്ചരിച്ച കാറില്‍ ബസിടിച്ചു. കൊല്‍ക്കത്ത ഡയമണ്ട് ഹാർബർ റോഡില്‍ വെള്ളിയാഴ്ച വൈകീട്ടായിരുന്നു അപകടം.

സന ഗാംഗുലി പരിക്കേല്‍ക്കാതെ രക്ഷപ്പെട്ടു. ഡ്രൈവറുടെ തൊട്ടടുത്ത സീറ്റിലാണ് ഗാംഗുലിയുടെ മകള്‍ ഇരുന്നിരുന്നത്. അപകടത്തിനുശേഷം നിർത്താതെ പോയ ബസ്, കാർ ഡ്രൈവർ പിന്തുടർന്ന് പിടികൂടി. സന അറിയിച്ചതിനെ തുടർന്ന് പൊലീസും സ്ഥലത്തെത്തി.

കാറിന് ഭാഗികമായി കേടുപാടുകള്‍ സംഭവിച്ചു. ബസ് ഡ്രൈവറെ കസ്റ്റഡിയിലെടുത്തിട്ടുണ്ട്.  സൗരവ് ഗാംഗുലി-ഡോണ ദമ്ബതികളുടെ ഏക മകളാണ് സന. ലണ്ടനിലെ ഒരു സ്ഥാപനത്തില്‍ കണ്‍സല്‍ട്ടന്റാണ്.