തിരുപ്പതി ക്ഷേത്രത്തില്‍ മോഷണം, :ഭക്തരുടെ വഴിപാടില്‍ നിന്ന് സ്വര്‍ണവും വെള്ളിയും മോഷ്ടിച്ച ജീവനക്കാരനെ പിടികൂടി വിജിലൻസ്,

അമരാവതി: തിരുമല തിരുപ്പതി ക്ഷേത്രത്തില്‍ സ്വർണം മോഷ്ടിച്ച സംഭവത്തില്‍ കരാർ ജീവനക്കാരൻ പിടിയില്‍. വിജിലൻസ് ഉദ്യോഗസ്ഥർ നടത്തിയ പരിശോധനയിലാണ് ജീവനക്കാരൻ പിടിയിലായത്.

ഭക്തർ വഴിപാടായി നല്‍കിയതില്‍ നിന്നാണ് ജീവനക്കാരൻ സ്വർണം കവർന്നത്. ക്ഷേത്രത്തിലെ വഴിപാട് തരംതിരിക്കുന്നതിന് വേണ്ടി ജോലി ചെയ്യുന്ന വീരിഷെട്ടി പെഞ്ചലയ്യയാണ് പിടിയിലായത്.

വഴിപാടുകള്‍ തരംതിരിക്കുന്നതിനിടെയായിരുന്നു മോഷണം. 46 ലക്ഷം രൂപ വിലമതിക്കുന്ന 655 ഗ്രാം സ്വർണവും 157 ഗ്രാം വെള്ളിയുമാണ് ജീവനക്കാരൻ കവർന്നത്. ദേവസ്വത്തിന്റെ സ്റ്റോറേജ് മുറിയില്‍ നിന്നാണ് സ്വർണം കൈക്കലാക്കിയത്. വിജിലൻസ് ഉദ്യോഗസ്ഥർ ക്ഷേത്രത്തിലെ സിസിടിവി ദൃശ്യങ്ങള്‍ പരിശോധിച്ചു.

കഴിഞ്ഞ ശനിയാഴ്ച സ്റ്റോറേജ് മുറിയില്‍ നിന്ന് 100 ഗ്രാം തൂക്കമുള്ള സ്വർണ ബിസ്ക്കറ്റ് ഇയാള്‍ മോഷ്ടിച്ചിരുന്നു. ക്ഷേത്രത്തില്‍ നിന്ന് കടത്താൻ ശ്രമിക്കവെ വിജിലൻസ് ഉദ്യോഗസ്ഥർ നടത്തിയ പരിശോധനയിലാണ് സ്വർണം കണ്ടെത്തിയത്. പിന്നീട് കസ്റ്റഡിയിലെടുത്ത് ചോദ്യം ചെയ്തതില്‍ നിന്നാണ് 655 ഗ്രാം സ്വർണവും 157 ഗ്രാം വെള്ളിയും മോഷ്ടിച്ച വിവരം വ്യക്തമായത്.

കഴിഞ്ഞ രണ്ട് വർഷമായി ക്ഷേത്രത്തിലെ വഴിപാടുകള്‍ തിട്ടപ്പെടുത്തുകയും ക്രമീകരിക്കുകയും ചെയ്യുന്ന സംഘത്തില്‍ ഇയാളും ഉള്‍പ്പെട്ടിരുന്നു.

ക്ഷേത്രത്തിലെ സംഭവനപ്പെട്ടിയായ ശ്രീവരി ഹുണ്ടിയില്‍ വിശ്വാസികള്‍ അർപ്പിക്കുന്ന സ്വർണം, വെള്ളി ഉള്‍പ്പെടെയുള്ള വഴിപാടുകളും പണവും എണ്ണിത്തിട്ടപ്പെടുത്തുകയും തരംതിരിക്കുകയും ചെയ്യുന്ന ജോലിയാണ് സംഘം ചെയ്തിരുന്നത്. ഈ അവസരം മുതലെടുക്കുകയായിരുന്നു പ്രതി.

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

യൂത്ത് കോൺഗ്രസ് അധ്യക്ഷ സ്ഥാനത്തു നിന്ന് രാഹുൽ പുറത്ത്

"അഭിനവ ഭാരതത്തിന്റെ വീര പുത്രരാവുക.. RSS വേദിയിൽ, ഫാ. ജോർജ് നെല്ലിക്കുന്ന് ചെരിവ് പുരയിടം

അഭിനവ ഗജേന്ദ്ര മോക്ഷം " ഈരാറ്റുപേട്ട അയ്യപ്പൻ | Erattupetta Ayyappan ..

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

buttons=(Accept !) days=(20)

Our website uses cookies to enhance your experience. Learn More
Accept !