കശ്മീർ : ഭാരതത്തിന്റെ 76-ാമത് ഗണതന്ത്രദിനം പുതിയ ചരിത്രം രചിച്ചിരിക്കുകയാണ് . സ്വാതന്ത്ര്യം നേടിയതിനു ശേഷമുള്ള കശ്മീരിലെ മറ്റൊരു വലിയ ചരിത്രപരമായ സംഭവമായാണ്, പുൽവാമയിലെ ട്രാൽ ചൗക്കിൽ ഇന്ത്യയുടെ ദേശീയപതാക ആദ്യമായി ഉയർത്തുന്നതിനെ നമുക്ക് വിലയിരുത്താൻ കഴിയുക .. ദശകങ്ങളായി ഭീകരവാദത്തിന്റെ പിടിയിൽ ആയിരുന്ന ഈ പ്രദേശം,ഇന്ന് ശാന്തിയുടെയും സമാധാനത്തിന്റെയും ഭൂമിയായി എന്നതുകൂടിയാണ് ഈ സംഭവം സൂചിപ്പിക്കുന്നത്.
അനവധി വർഷങ്ങളായി, ഈ പ്രദേശത്ത് ഭീതിയും അനിശ്ചിതത്വവും കൊണ്ടു സ്വാതന്ത്ര്യദിനം, ഗണതന്ത്രദിനം മുതലായ ദേശീയ വിശേഷ ദിവസങ്ങൾ ആഘോഷിക്കാൻ ജനങ്ങൾ മുതിരാറില്ല . ഭീകരഭയത്തെ തുടര്‍ന്ന്, ഈ സ്ഥലങ്ങളിൽ ഭരണകൂടങ്ങൾ അത്തരം ചടങ്ങുകൾ സംഘടിപ്പിക്കാറില്ല എന്ന്താണ് ആധികാരികമായ സ്ഥിതിവിവരങ്ങൾ.
എങ്കിലും, 2019-ൽ ആർട്ടിക്കിൾ 370-നെ റദ്ദാക്കലിന്റെ ശേഷം, കശ്മീർ ഇന്ത്യയുടെ അവിഭാജ്യഘടകം എന്നാണത് കൂടുതൽ ശക്തമായി നിലനിൽകുകയും , കൂടുതൽ കരുത്തുറ്റതായ മാറ്റങ്ങളിലേക്കും , ദേശീയ ഐക്യത്തിലേക്കും , സമഗ്ര വികസനത്തിലേക്കും കശ്മീർ മുന്നേറുകയാണ്.
#WATCH | On the 76th #RepublicDay, history was made at Tral Chowk in Pulwama district, Jammu and Kashmir, as the Indian national flag was unfurled for the first time. The flag was jointly unfurled by an elderly, a youth and a child —symbolizing the unity of generations and their… pic.twitter.com/6fEjIrPhRa
— ANI (@ANI) January 26, 2025
ആർട്ടിക്കിൾ 370:
ആർട്ടിക്കിൾ 370 , ജമ്മു-കശ്മീറിന് പ്രത്യേക ഭരണഘടനപരമായ അവകാശങ്ങളും , ഇന്ത്യൻ പാർലമെന്റ് പാസാക്കുന്ന നിയമങ്ങൾ കാശ്മീരിന് ബാധകം ആയിരുന്നില്ല, കശ്മീർ സർക്കാർ പാസാക്കുന്ന നിയമങ്ങൾ മാത്രമേ കാശ്മീരിൽ നടപ്പായിരുന്നുള്ളൂ . ഇത് രാജ്യത്തിന്റെ മറ്റ് ഭാഗങ്ങളുമായി കശ്മീരിനെ വേർതിരിക്കുകയും , കേന്ദ്രസർക്കാരിന് നേരിട്ടുനടപടികൾ എടുക്കാൻ ആർട്ടിക്കിൾ 370 വലിയ തടസ്സങ്ങൾ സൃഷ്ടിക്കുകയും ചെയ്തിരുന്നു . എന്നാൽ, 2019-ൽ ആർട്ടിക്കിൾ 370 റദ്ദാക്കിയതോടെ, കശ്മീർ ഭാരതത്തിന്റെ എല്ലാ നിയമങ്ങളുടെയും ഭാഗമാകുകയായിരുന്നു.
കശ്മീർ മാറ്റത്തിന്റെ പാതയിൽ
ഇന്ന്, പുൽവാമയിൽ ട്രാൽ ചൗക്കിൽ ഉയർത്തപ്പെട്ട ഇന്ത്യയുടെ ദേശീയപതാക ഒരു ശുഭസൂചന കൂടിയാണ് . ഭാരതത്തോടുള്ള കാശ്മീരി ജനതയുടെ കാഴ്ചപ്പാടിലും , ഭീകരവാദത്തെ ഭയന്ന് രാജ്യത്തിനൊപ്പം നിൽക്കാൻ കഴിയാതിരുന്ന അവസ്ഥക്കും സമൂലമായ മാറ്റം ആണ് ആർട്ടിക്കിൾ 370 എടുത്തുകളഞ്ഞതിലൂടെ കൈവന്നിട്ടുള്ളത് . പാകിസ്ഥാൻ സഹായത്തോടെ ഭീകരപ്രവർത്തനങ്ങൾ ഇപ്പഴും അവിടെ നടക്കുന്നുണ്ട് എന്നത് വാസ്തവം ആണ്. എങ്കിലും കൂടുതൽ സുരക്ഷാ വിന്യാസങ്ങളും , ടൂറിസം പോലുള്ള വരുമാന മാര്ഗങ്ങൾ കശ്മീർ ജനതക്ക് ലഭിക്കുകയും ചെയ്തതോടെ ആർട്ടിക്കിൾ 370 നിലനിന്നതിനേക്കാൾ എത്രയോ മെച്ചപ്പെട്ട അവസ്ഥയാണ് കാശ്മീരിന് ഇപ്പോൾ ഉള്ളത് എന്ന ജനങ്ങളുടെ തിരിച്ചറിവ് കൂടിയാണ് ഈ സംഭവം. ഇത് ഭാരതത്തിന്റെ ഐക്യത്തിന്റെയും ദേശീയതയുടെയും ശക്തിയുടെയും സൂചനയാണ് .
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.