ലക്ഷദ്വീപ് വിദ്യാർത്ഥിയെ മർദ്ദിച്ച സംഭവം പട്ടികജാതി സംരക്ഷണ നിയമപ്രകാരം കേസെടുക്കണമെന്ന് ബിജെപി നേതാവ് സിറാജ് കോയാ

കവരത്തി;തിരുവനന്തപുരം യൂണിവേഴ്സിറ്റി കോളേജിലെ ലക്ഷദ്വീപ് വിദ്യാർത്ഥിയെ മർദ്ദിച്ച സംഭവം അപലപനീയമാണെന്ന് ബിജെപി ലക്ഷദ്വീപ് ജനറൽ സെക്രട്ടറി സിറാജ് കോയാ.

കേരളത്തിൽ ലക്ഷദ്വീപ് വിദ്യാർത്ഥകൾ സുരക്ഷിതരല്ല എന്നതിൻറെ വ്യക്തമായ ഉദാഹരണമാണിത്. ലക്ഷദ്വീപ് അഡ്മിനിസ്ട്രേറ്റർകെതിരെ നിയമസഭയിൽ സംയുക്ത പ്രമേയം പാസാക്കിയ മുഖ്യമന്ത്രിയും പ്രതിപക്ഷ നേതാവും ഈ കാര്യത്തിൽ മൗനം അവലഭിക്കുകയാണെന്നും അദ്ദേഹം കൂട്ടിച്ചേർത്തു,

ഇവരുടെയെല്ലാം കൺമുൻപിലുള്ള യൂണിവേഴ്സിറ്റി കോളേജിലാണ് കൊടിയ പീഡനവും ജാതി അധിക്ഷേപവും അരങ്ങേറിയത്. കാര്യങ്ങൾ ഈ രീതിയിലാണെങ്കിൽ ദ്വീപു വിദ്യാർത്ഥികളുടെ ഉന്നത പഠനം കേരളത്തിൽ നിന്നും മറ്റു സംസ്ഥാനങ്ങളിലേക്ക് മാറ്റുന്നതിനേകുറിച്ച് ആലോചിക്കേണ്ടിവരുമെന്നും സിറാജ് കൂട്ടിച്ചേർത്തു.