തിരുവനന്തപുരം: കെ ജയകുമാറിന് കേന്ദ്ര സാഹിത്യഅക്കാദമി പുരസ്കാരം.
പിങ്ഗളകേശിനി എന്ന കവിത സമാഹാരത്തിനാണ് പുരസ്കാരം. കവി, ഗാനരചയിതാവ്, വിവർത്തകൻ, ചിത്രകാരൻ, തിരക്കഥാകൃത്ത് തുടങ്ങിയ നിലകളിൽ അറിയപ്പെടുന്ന മലയാളിയായ ഐഎഎസ് ഉദ്യോഗസ്ഥനാണ് കെ ജയകുമാർ. കേരളസംസ്ഥാനത്തിലെ ചീഫ് സെക്രട്ടറിയായിരുന്ന ഇദ്ദേഹം തുഞ്ചത്തെഴുത്തച്ഛൻ മലയാളസർവകലാശാലയുടെ വൈസ് ചാൻസലറായിരുന്നു.
അർദ്ധവൃത്തങ്ങൾ, രാത്രിയുടെ സാധ്യതകൾ തുടങ്ങി അഞ്ച് കവിതാസമാഹാരങ്ങൾ മലയാളത്തിലും രണ്ടെണ്ണം ഇംഗ്ലീഷിലും പ്രസിദ്ധീകരിച്ചു. ടാഗോറിൻ്റെ ഗീതാഞ്ജലിയും ഖലീൽ ജിബ്രാൻ്റെ പ്രവാചകനുമടക്കം പല കൃതികളുടെയും പരിഭാഷകൾ ഇദ്ദേഹത്തിൻ്റെ പ്രശസ്ത സാഹിത്യ സംഭാവനകളിൽ പെടുന്നു.
വർണച്ചിറകുകൾ എന്ന കുട്ടികളുടെ സിനിമ രചിച്ചു സംവിധാനം ചെയ്തിട്ടുണ്ട്. 80-ൽ പരം മലയാള സിനിമകൾക്കു ഗാനരചന നിർവഹിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.