ജയ്പൂർ: ഡൽഹി - മുംബൈ എക്സ്പ്രസ് ഹൈവേയിൽ നിർമ്മാണത്തിലിരിക്കുന്ന തുരങ്കം ഇടിഞ്ഞുവീണ് ഒരാൾ മരിച്ചു.
രാജസ്ഥാനിലെ കോട്ടയിലാണ് അപകടം. തുരങ്ക നിർമ്മാണ തൊഴിലാളിയായ ഷംഷേർ സിംഗ് (33) ആണ് മരിച്ചത്. അപകടത്തിൽ മറ്റ് രണ്ട് തൊഴിലാളികൾക്ക് പരിക്കേറ്റു. ഇന്നലെ രാത്രി മണ്ഡിയിലെ മോദക് പ്രദേശത്താണ് തുരങ്കത്തിൻ്റെ ഒരു ഭാഗം തകർന്നു വീണത്. ഡൽഹി-മുംബൈ എക്സ്പ്രസ് വേയുടെ ഭാഗമാണ് തുരങ്കമെന്ന് കോട്ട റൂറൽ പോലീസ് സൂപ്രണ്ട് (എസ്പി) സുജിത് ശങ്കർ പറഞ്ഞു. കെട്ടിടം നടക്കുന്ന സ്ഥലത്ത് തൊഴിലാളികൾ ഒത്തുകൂടിയപ്പോഴായിരുന്നു അപകടം.
സംഭവത്തെത്തുടർന്ന് പോലീസും നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) ഉദ്യോഗസ്ഥരും സ്ഥലത്തെത്തി രക്ഷാപ്രവർത്തനം നടത്തി. അപകടത്തിൽ പരിക്കേറ്റവരെ കോട്ടയിലെ ആശുപത്രിയിലേക്ക് മാറ്റി. ഷംഷേറിൻ്റെ മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.