ശബരിമല: മകരവിളക്ക് തീർഥാടനത്തിനായി ശബരിമല നടതുറന്നു. തിങ്കളാഴ്ച വൈകീട്ട് നാലിന് ക്ഷേത്രം തന്ത്രി കണ്ഠരര് രാജീവരുടെ മുഖ്യ കാർമികത്വത്തില്‍ മേല്‍ശാന്തി എസ്.അരുണ്‍കുമാർ നമ്പൂതിരി നടതുറന്നു.
ശബരിമല എക്‌സിക്യൂട്ടിവ് ഓഫിസർ ബി. മുരാരി ബാബു, അഡ്മിനിസ്ട്രേറ്റീവ് ഓഫിസർ ബിജു വി. നാഥ്‌ തുടങ്ങിയവർ ദർശനത്തിനെത്തി. ജനുവരി 14നാണ് ഭക്തജന ലക്ഷങ്ങള്‍ കാത്തിരുന്ന മകരവിളക്ക് മഹോത്സവം നടക്കുന്നത്. ജനുവരി 19 വരെ തീർഥാടകർക്ക് ദർശനം സാധ്യമാകും. ജനുവരി 20ന് രാവിലെ നടയടക്കും.
മകരവിളക്ക് ഉത്സവത്തിനായി നട തുറന്നതോടെ വൻ ഭക്തജനത്തിരക്കാണ് അനുഭവപ്പെടുന്നത്. തിങ്കളാഴ്ച ഉച്ചക്ക് ഒരു മണിയോടെ തന്നെ വലിയ നടപ്പന്തല്‍ തീർഥാടകരെ കൊണ്ട് നിറഞ്ഞിരുന്നു. നട തുറന്ന നാലു മണി സമയത്ത് തീർത്ഥാടകരുടെ നിര ശരം കുത്തി വരെ നീണ്ടു.
തിങ്കളാഴ്ച 40,000 പേർക്കാണ് വെർച്വല്‍ ക്യൂ ബുക്കിങ് അനുവദിച്ചിരുന്നത്. പുല്ലുമേട് കാനന പാത വഴിയും വൻ തിരക്കാണ് അനുഭവപ്പെടുന്നത്. പ്രതീക്ഷിച്ചതില്‍ കൂടുതല്‍ ഭക്തർ വെർച്വല്‍ ക്യൂ ബുക്കിങ് ഇല്ലാതെ എത്തിയതോടെ പമ്പയിലെ സ്പോട്ട് ബുക്കിങ് കൗണ്ടറിന് മുമ്പിലും വലിയ തിക്കും തിരക്കും അനുഭവപ്പെട്ടു.
വൈകീട്ട് ആറു വരെ 25000 ഓളം തീർഥാടകർ ദർശനം നടത്തിയതായാണ് കണക്കാക്കപ്പെടുന്നത്. ചൊവ്വാഴ്ച മുതല്‍ വെർച്വല്‍ ക്യൂ വഴി 70000 പേർക്കും സ്പോർട്ട് ബുക്കിങ് മുഖേനെ 10000 പേർക്കും ദർശന സൗകര്യം ലഭിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.