മത്സ്യബന്ധനത്തിനിടെ ഫൈബര്‍ ബോട്ടുകള്‍ക്കിടയില്‍ കുടുങ്ങി; യുവാവിന് ദാരുണാന്ത്യം,,

മലപ്പുറം: മലപ്പുറം തിരൂർ കൂട്ടായിയില്‍ മത്സ്യ ബന്ധനത്തിന് പോയ ബോട്ടുകള്‍ കൂട്ടിയിടിച്ച്‌ യുവാവ് മരിച്ചു. പുതിയ കടപ്പുറം സ്വദേശി യൂസഫ് കോയ (24) ആണ് മരിച്ചത്.

താനൂർ സ്വദേശിയുടെ ഉടമസ്തഥയിലുള്ള അല്‍ അംജദ് എന്ന വള്ളമാണ് അപകടത്തില്‍പ്പെട്ടത്. കൂട്ടായിയില്‍ നിന്ന് നാല് നോട്ടിക്കല്‍ മൈല്‍ അകലെ വച്ചായിരുന്നു അപകടം. ഫൈബർ വള്ളങ്ങള്‍ക്കിടിയല്‍പ്പെട്ട് യൂസഫിന് ഗുരുതര പരിക്കേറ്റിരുന്നു.

ഉടനെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം തിരൂർ ജില്ലാ ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്‍കും.