കർഷകർക്ക് ആശ്വാസമായി കാർഷിക യന്ത്രങ്ങളുടെ റിപ്പയർ ക്യാമ്പ് മുന്നേറുന്നു

ഇടമറുക് : കേരള സംസ്ഥാന കാർഷിക യന്ത്രവൽക്കരണ മിഷനും, ഈരാറ്റുപേട്ട ബ്ലോക്ക്, കൃഷി അസിസ്റ്റന്റ് ഡയറക്ടറുടെ കാര്യാലയവും സംയുക്തമായി സംഘടിപ്പിക്കുന്ന 15 ദിവസം നീണ്ടുനിൽക്കുന്ന കാർഷിക യന്ത്രങ്ങളുടെ അറ്റകുറ്റപ്പണി ക്യാമ്പ് തുടരുന്നു.

നാളിതുവരെ  55 ഓളം കാർഷിക യന്ത്രങ്ങൾ സൗജന്യമായി റിപ്പയർ ചെയ്ത് കർഷകർക്ക് നൽകുവാനായി സാധിച്ചിട്ടുണ്ടെന്ന് ക്യാമ്പ് അതികൃതർ അറിയിച്ചു. ബ്ലോക്ക് കൃഷി അസിസ്റ്റന്റ് ഡയറക്ടറുടെ കാര്യാലയത്തിൽ ഡിസംബർ 9 ന് ആരംഭിച്ച ക്യാമ്പ് ഡിസംബർ     23 വരെയാണ് നടക്കുന്നത്. ബ്ലോക്കിലെ മുഴുവൻ പഞ്ചായത്തുകളിലെയും ഈരാറ്റുപേട്ട നഗരസഭയിലെയും   കർഷകരുടെയും കർഷക ഗ്രൂപ്പുകളുടെയും എല്ലാ ചെറുകിട കാർഷിക  കാർഷിക യന്ത്രങ്ങളാണ് ഈ ക്യാമ്പിൽ അറ്റകുറ്റപ്പണി ചെയ്തെടുക്കുന്നത്. 

മിഷന്റെ ചീഫ് എക്സിക്യൂട്ടീവ് ഓഫീസർ ഡോ. യൂ. ജയ്കു‌മാരൻ അവർകളുടെ നേതൃത്വത്തിൽ മിഷൻ്റെ 1 പ്രൊജക്റ്റ് അഗ്രിക്കൾച്ചറൽ എൻജിനിയർ, 3 പ്രൊജക്റ്റ് അഗ്രിക്കൾച്ചറൽ മെക്കാനിക് അസ്സിസ്റ്റൻ്റ്മാർ എന്നിവരടങ്ങുന്ന ഒരു നാലംഗ സംഘമാണ് ക്യാമ്പ് നടത്തുന്നത്.  

 ഓരോ പഞ്ചായത്തുകളിലായി കാർഷിക യന്ത്രങ്ങളുടെ അറ്റകുറ്റപണി നടത്തിവരുന്നു അതിന്റെ ഭാഗമായി മേലുകാവ് പഞ്ചായത്തിലെ കർഷകരുടെയും, കർഷക ഗ്രൂപ്പായ ഇടമറുക് റബ്ബർ ഉൽപാദക സംഘത്തിന്റെയും കാർഷിക യന്ത്രങ്ങളുടെ അറ്റകുറ്റപ്പണി നടത്തുന്നതിനായി  കാർഷിക യന്ത്രം സർവ്വം ചലിതം ഈരാറ്റുപേട്ട പദ്ധതിയിൽ ഉൾപ്പെടുത്തി ഈരാറ്റുപേട്ട ബ്ലോക്ക് കൃഷി അസിസ്റ്റന്റ് ഡയറക്ടറുടെ കാര്യാലയവും മേലുകാവ് കൃഷിഭവനും ഇടമറുക്  റബർ ഉൽപാദക സംഘവും സംയുക്തമായി സംഘടിപ്പിച്ച കാർഷിക യന്ത്രം അറ്റകുറ്റപ്പണിയുടെ ഉദ്ഘാടനം ഈരാറ്റുപേട്ട ബ്ലോക്ക് പഞ്ചായത്ത് മെമ്പർ  ശ്രീ ജറ്റോ ജോസ് പടിഞ്ഞാറെ പീടികയിൽ നിർവഹിച്ചു.

മേലുകാവ് കൃഷി ഓഫീസർ ശ്രീ   ജീസ് ലൂക്കോസ് , റബ്ബർ ഉത്പാദക സംഘം പ്രസിഡന്റ്  ശ്രീ ജോസുകുട്ടി, പ്രൊജക്റ്റ്‌ അഗ്രികൾച്ചറൽ എൻജിനീയർ  ശ്രീമതി ജെസ്‌ന ഡി സിൽവ,  റബ്ബർ ഉത്പാദക സംഘം മെമ്പർ  ശ്രീ താഷ്കെന്റ്  പൈകട  എന്നിവർ ചടങ്ങിൽ സംസാരിച്ചു.