ശബരിമലയില്‍ ദിലീപിന് വിഐപി പരിഗണന; ദേവസ്വം ബോര്‍ഡിന് വിമര്‍ശനവുമായി ഹൈക്കോടതി, സിസിടിവി ദൃശ്യങ്ങള്‍ ഹാജരാക്കാന്‍ നിർദേശം,

 കൊച്ചി: ദിലീപ് വിഐപി പരിഗണനയില്‍ ശബരിമലയില്‍ ദർശനം നടത്തിയ സംഭവത്തില്‍ കടുത്ത നിലപാടുമായി ഹൈക്കോടതി.

വിഷയം ചെറുതായി കാണാനാകില്ലെന്ന് പറഞ്ഞ ഹൈക്കോടതി, സിസിടിവി ദൃശ്യങ്ങള്‍ ഹാജരാക്കാന്‍ ദേവസ്വം ബോര്‍ഡിന് നിർദേശം നല്‍കി. ബോർഡിനോട് 12.30നകം മറുപടി നല്‍കാനും ആവശ്യപ്പെട്ടിട്ടുണ്ട്. ഇന്നലെയാണ് ദിലീപ് നടയടക്കുന്നതിന് തൊട്ടുമുൻപായി ശബരിമലയില്‍ ദർശനം നടത്തിയത്.

നടയടച്ച ശേഷമാണ് മടങ്ങിയത്. ഈ ദൃശ്യങ്ങളാണ് ഹൈക്കോടതി ആവശ്യപ്പെട്ടിരിക്കുന്നത്. വിഐപി പരിഗണന ലഭിച്ചോ എന്നതാണ് ഹൈക്കോടതി ഡിവിഷൻ ബെഞ്ച് പരിഗണിക്കുക.