ലക്ഷദ്വീപിൽ വിനോദയാത്രക്ക് എത്തി: കടലില്‍ കുളിക്കുന്നതിനിടെ ഒഴുക്കില്‍പെട്ട വിദ്യാര്‍ഥികള്‍ക്ക് ദാരുണാന്ത്യം,

 കൊച്ചി: ലക്ഷദ്വീപിലെ ബംഗാരം ദ്വീപില്‍ വിനോദയാത്രക്ക് എത്തിയ 2 വിദ്യാർഥികള്‍ മുങ്ങി മരിച്ചു. മുഹമ്മദ് ഫവാദ്ഖാൻ, അഹമദ് സഹാൻ സൈദ് എന്നീ ഒന്നാം ക്ലാസ് വിദ്യാർഥികളാണ് മരിച്ചത്.

കുടുംബാംഗങ്ങള്‍ക്കൊപ്പം വിനോദയാത്രക്ക് എത്തിയ കുട്ടികള്‍ കുളിക്കാൻ ഇറങ്ങിയതിനിടെ ഒഴുക്കില്‍പ്പെടുകയായിരുന്നു. രക്ഷിക്കാൻ ശ്രമിച്ചെങ്കിലും ഫലമുണ്ടായില്ല.

അല്‍പ്പസമയം മുമ്പാണ് അപകടമുണ്ടായത്. കുട്ടികള്‍ക്ക് 6 വസ്സാണ് പ്രായം. ഇരുവരും മാതാപിതാക്കള്‍ക്ക് ഒപ്പമാണ് പോയത്. കടലില്‍ കുളിക്കുന്നതിനിടെ കുട്ടികള്‍ ഒഴുക്കില്‍പെടുകയായിരുന്നു.

ഉടൻ തന്നെ രക്ഷിക്കാനുള്ള ശ്രമങ്ങള്‍ നടത്തിയെങ്കിലും നിരാശയായിരുന്നു ഫലം. തിരച്ചിലില്‍ കുട്ടികളുടെ മൃതദേഹം കണ്ടെടുത്തിട്ടുണ്ട്. മൃതദേഹങ്ങള്‍ ബോട്ട് മാർഗം ഇവർ താമസിക്കുന്ന ദ്വീപിലേക്ക് കൊണ്ടുപോവും.