ദുബായ്: തൊഴില്‍ മേഖലയില്‍ കൂടുതല്‍ സാധ്യതകള്‍ തുറന്ന് ഫ്രീലാന്‍സിങ്ങ് ജോലികള്‍ ഇപ്പോള്‍ യു എ ഇ യില്‍ നിലവിലുണ്ട്. എന്നാല്‍ നിയമപരമായും വ്യവസ്ഥാപിതമായും ഈ തൊഴില്‍ മേഖലയെ സമീപിക്കുന്നവരുടെ എണ്ണം കുറവാണ്. ഇത്തരം ജോലികള്‍ സംബന്ധിച്ചുള്ള അജ്ഞതയേക്കാള്‍ ഇതിനുള്ള പെര്‍മിറ്റ്, വിസ, അപേക്ഷിക്കേണ്ട ഇടം എന്നിവയെക്കുറിച്ചുള്ള അറിവില്ലായ്മയാണ് ഈ രംഗത്തേക്ക് കൂടുതല്‍ പേര്‍ വരാതിരിക്കാനുള്ള കാരണം.
ഫ്രീലാന്‍സറായി ദുബായില്‍ ജോലി ചെയ്യാന്‍ താല്പര്യമുള്ളവര്‍ക്ക് മൂന്ന് പ്രവൃത്തി ദിവസങ്ങള്‍ക്കുള്ളില്‍ പെര്‍മിറ്റ് നല്‍കുമെന്ന് എക്സ്പോ സിറ്റി ദുബായ് അതോറിറ്റി അറിയിച്ചു. ഇത് പ്രകാരം ഫ്രീലാന്‍സര്‍ക്ക് ഒരു വര്‍ഷത്തെ പെര്‍മിറ്റും പ്രതിവര്‍ഷം 9,000 ദിര്‍ഹത്തിന് പുതിയ തൊഴില്‍ വിസയും.ലഭിക്കും. 16,000 ദിര്‍ഹത്തിന് രണ്ട് വര്‍ഷത്തെ പെര്‍മിറ്റും കിട്ടും.
സോഷ്യല്‍ മീഡിയ മാര്‍ക്കറ്റിംഗ്, ഫാഷന്‍ ഡിസൈനര്‍, കൊറിയോഗ്രാഫര്‍ അല്ലെങ്കില്‍ മേക്കപ്പ് ആര്‍ട്ടിസ്ററ് എന്നിവ പോലെ തിരഞ്ഞെടുക്കാന്‍ 90~ലധികം പ്രൊഫഷണല്‍ പ്രവര്‍ത്തനങ്ങള്‍. ഫ്രീലാന്‍സ് പെര്‍മിറ്റ് ലഭിക്കാന്‍ താല്‍പ്പര്യമുള്ള പ്രൊഫഷണലുകള്‍ക്ക്, എക്സ്പോ സിറ്റി ദുബൈയിലെ ക്ളയന്‍റ് റിലേഷന്‍സ് സെന്‍ററിലേക്ക് ഇമെയില്‍ അയച്ചോ ലെവല്‍ 2 ഇ സി ഡി ക്കുള്ളില്‍ സ്ഥിതിചെയ്യുന്ന ക്ളയന്‍റ് റിലേഷന്‍സ് സെന്‍റര്‍ സന്ദര്‍ശിച്ചോ അപേക്ഷ നല്‍കാം.
എക്സ്പോ സിറ്റി ദുബായ് അതോറിറ്റിയുമായി (ഇസിഡിഎ) ബന്ധപ്പെട്ടാല്‍, ഫ്രീലാന്‍സ് പെര്‍മിറ്റ് അപേക്ഷാ ഫോം സമര്‍പ്പിക്കുന്നതിന് ഇസിഡിഎ പോര്‍ട്ടല്‍ ക്രെഡന്‍ഷ്യലിലേക്ക് ലോഗിന്‍ ചെയ്യുന്നതിനുള്ള യോഗ്യതാപത്രങ്ങള്‍ ലഭിക്കും. ഡൗണ്‍ലോഡ് ചെയ്ത് ഫോം പൂരിപ്പിച്ച് ആവശ്യമായ രേഖകള്‍ സഹിതം അപേക്ഷ സമര്‍പ്പിക്കണം.
അപേക്ഷകര്‍ 7,000 ദിര്‍ഹം നല്‍കണം, ഇതില്‍ തിരിച്ചുകിട്ടാത്ത 500 ദിര്‍ഹം ഇസിഡിഎ ക്ക് നല്‍കേണ്ട അപേക്ഷാ ഫീസാണ്. യുഎഇ റസിഡന്‍സ് വിസ ആവശ്യമുണ്ടെങ്കില്‍, പ്രക്രിയയ്ക്ക് അഞ്ച് പ്രവൃത്തി ദിവസങ്ങള്‍ വരെ എടുത്തേക്കാം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.