കായംകുളത്ത് സ്വകാര്യ ബസും കെഎസ്ആര്‍ടിസി ബസും കൂട്ടിയിടിച്ചു; വിദ്യാര്‍ത്ഥികളടക്കം 20ഓളം പേർക്ക് പരിക്ക്

ആലപ്പുഴ: കായംകുളത്ത് സ്വകാര്യ ബസും കെഎസ്ആര്‍ടിസി ബസും കൂട്ടിയിടിച്ചുണ്ടായ അപകടത്തിൽ വിദ്യാര്‍ത്ഥികളടക്കം 20ഓളം പേർക്ക് പരിക്ക്.

കായംകുളത്ത് നിന്ന് അടൂരിലേക്ക് പോയ ബസുകളാണ് അപകടത്തിൽപ്പെട്ടത്. ഇന്ന് രാവിലെ കെപി റോഡിൽ മൂന്നാം കുറ്റിക്ക് സമീപമാണ് അപകടം. കെഎസ്ആർടിസി ബസിന്‍റെ പിന്നിൽ സ്വകാര്യബസ് ഇടിക്കുകയായിരുന്നു.

പരിക്കേറ്റവരിൽ കൂടതലും സ്വകാര്യ ബസിലുണ്ടായിരുന്നവരാണ്. ആരുടെയും പരിക്ക് ഗുരുതരമല്ലെന്നാണ് വിവരം. പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്.