സംഘർഷത്തിന് സാധ്യത: രാഹുലിന്റെയും പ്രിയങ്കയുടെയും സംഭല്‍ സന്ദര്‍ശനം, യുപി അതിര്‍ത്തിയില്‍ തന്നെ തടഞ്ഞേക്കും,

ദില്ലി: രാഹുല്‍ ഗാന്ധിയുടെയും പ്രിയങ്ക ഗാന്ധിയുടെയും സംഭല്‍ സന്ദർശനത്തെ തുടർന്ന് ഗാസിപൂർ യുപി ഗേറ്റില്‍ ആയിരത്തിലധികം പൊലീസുകാരെ വിന്യസിച്ചു.

യുപി അതിർത്തിയില്‍ തന്നെ തടഞ്ഞേക്കുമെന്നാണ് സൂചന. രാഹുലും പ്രിയങ്കയും ഒമ്പതരയോടെ ദില്ലിയില്‍ നിന്നും പുറപ്പെടും. ദില്ലി മീററ്റ് എക്സ്പ്രസ് വേയില്‍ വൻ ഗതാഗതക്കുരുക്കാണ് സംഭവിച്ചിരിക്കുന്നത്.

ഓരോ വാഹനങ്ങളും പരിശോധിച്ച ശേഷം മാത്രമാണ് കടത്തിവിടുന്നത്. രാഹുലിന് പിന്തുണയുമായി നിരവധി കോണ്‍ഗ്രസ് പ്രവർത്തകരാണ് എത്തിച്ചേർന്നിട്ടുള്ളത്.